Yona 4:8 - Livulu lya Shukulu Kalunga

⁸ Co omo litangwa lyatuukile, Njambi watumine lihunzi lya mu ngangela lyakushaluka. Ngecivene, Yona washakele kulezumuka ku ntwima ya litanya lije lyamutwililile mu mutwe wendi. Co walombelele ngeci atse kutuvakana kuyoya.

Yona 4:8 Iomraidhean Croise

Kushangumuka 41:6

Mitwe ikwavo itanu na ivali yamenene lalo, yakwekwiya nakwenya na lihunzi lya ntwima lya mu mambo.

1 Vimyene 19:4

wendele litangwa lyoshe lyamutunu mu mambo. Co watumbamene asi mu munzinze wa muti, ikeye washakele ngeci atse. Co walombelele ngwendi, “Njayanda manene Shukulu Kalunga, tundisa mwonyo wange, ngeci njitse!”

1 Vimyene 21:4

Ahave welukile kwimbo, walinyengele nakuviilila manene a vije vyendekele Navote kuli ikeye. Washuluvalele a vulili vwendi, wakengele a civumbe, co wavyanene kulya.

Yombi 2:10

Co Yombi wakumbulwile ngwendi, “Yove ulinakwendeka ngwe munakazi wakujeneka mana. Vati tukatambula vyuma vyavivwa lika kuli Njambi kwakujeneka kutambula vyuma vyavivi?” Nameme ngoco mu tuyando twendi twoshe, Yombi kavulumwine ku mesho a Njambi.

Yombi 7:15

ngwe cinasiwile nga kunjatsa lika cintukulu kutuvakana kuyoya mu muvila ou wa tuyando.

Myaso 121:6

Litangwa kulikakwenyeka ku simbu ya mutanya, na ngonde lalo kuyikakuvulumuna ku simbu ya vutsiki.

Myaso 39:9

Njikoloka kuluu ngwe kaveveve, kunjikendeka lijwi nalimo lyai, omwo yove unanjimwesa tuyando twangacije.

Muka-kwambulula 7:9

Kesi uluvale vwasi embwe, omwo vukalu vwakala mu vimbunge vya vilema.

Myaso ya Solomoni 1:6

Kesi munjikenge omo njapwa njiwakuzivala, omwo litangwa lyazivalesa cikonde cange, vandolome vange valuvalele nange, co vanjipangesele mu citungu ca mikolovozi ya vushuka vwa vinyu. Co kunjakele na simbu yakulivwaesa.

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Ezekiyele 19:12

Oloni vautukwile na matoto amo na mizi yawo nakuumbila asi. Co lihunzi lya mu ngangela lyomisile vushuka vwawo. Co minango yawo yapokozokele, yomininine, co vayenyekele.

Hoziya 13:15

Nameme Isalele alinakukula mwamuvwa ngwe shaku, njikatuma lihunzi lya ntwima lyakutunda mu mambo mu ngangela, co likomisa masima avo cau na tuvwelu-vwelu twavo. Likapekumuna vyuma vyoshe vya seo.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Yona 1:17

Oloni Shukulu Kalunga watumine liisi lyakama manene kuleula Yona, co Yona wakele mwimo lya isi matangwa atatu mutanya na vutsiki.

Yona 1:4

Oloni Shukulu Kalunga watumine lihunzi lyakama manene a mema a kalunga, co mankimba angwanjangele manene ngecivene, vuje vwato vwashakele kutavuka.

Yona 4:3

Ngecivene, ololo, Shukulu Kalunga, tambula mwonyo wange. Mwamuvwa kuli yange kutsa kutuvakana kuyoya.”

Yona 4:9

Oloni Njambi wendekele kuli Yona ngwendi, “Kuma cinakupande kuluvala a mono eyi ndi?” Co Yona wamukumbulwile ngwendi, “Mwamuvwa kuli yange kuluvala nameme vene kutsa.”

Mateo 20:12

Vendekele nendi ngwavo, ‘Ava vanu vakutokela vanapanga simbu imolika, omo yetu tunapanga litangwa lyoshe lyamutunu nakwenya litanya, co unavafwete kupwisa amo netu?’

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.

Kujombolola 7:16

Vakevo kuvakazivi lalo njala nambe lihwila, co lalo litangwa nambe lihunzi lya ntwima kulikavenyeka embwe,

1 Samwele 3:18

Ngecivene, Samwele wamulekele vyuma vyoshe, kamushwekeleleko cuma cimo cai. Eli wendekele ngwendi, “Ikeye napu Shukulu Kalunga, akalinga vyoshe vyashaka kulinga.”