Yona 3:9 - Livulu lya Shukulu Kalunga

⁹ Amo Njambi akatengululako viyongola vyendi, amo ikeye akalikela kuluvala, cooni kutukanyongo!’ ”

Yona 3:9 Iomraidhean Croise

2 Samwele 12:22

Co Ndaviti wavakumbulwile ngwendi, “Eyo, njalikelele kulya, njalilile omo mwanike wakele na mwonyo. Njayongwele ngwange amo Shukulu Kalunga anjizivilako mema ku mbunge, munange enduka katsi.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Myaso 85:3

Unatundisa vukalu vwove vwoshe, co unalikela kuluvala.

Myaso 90:13

Vukalu vwove vukahwa simbu mukajo yove Shukulu Kalunga? Tetela vangamba vove!

Njelemiya 26:13

Munapande kutenguluka kutunda ku vingila vyeni vyavivi, na ku vyuma vimulinakulinga, co munapande kwononoka Shukulu Kalunga Njambi yeni. Nga mulingamo, co akatengulula viyongola vyendi vyakuminyongesa vije vyendekele ngwendi akavinena ali yeni.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Yona 1:15

Asinoni vakakwile Yona nakumumbila mu mema a kalunga. Co mema a kalunga alikelele kungwanjanga.

Yona 1:6

Mukulunu wa vaka-kujavula vwato wamuwanenemo, co wamwihwile ngwendi, “Omwo vikajo unalalela tulo twangacije? Induka ulombele kuli njambi yove ngeci atukwase. Acimo atuzivilako mema ku mbunge, ngeci kesi tunyonge.”

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Zefaniya 2:3

Ilukeni kuli Shukulu Kalunga yeni voshe vaka-kulilumbilisa va mu lifuti, vaje valinakwononoka mashiko endi. Lingeni vije vya vushunga, co lilumbiliseni ku mesho a Shukulu Kalunga. Amo mukaputumuka ku cihiso a litangwa lije omo Shukulu Kalunga akasholola vukalu vwendi.

1 Samwele 6:5

Co munapande kushonga tumponya twa mazimbo na vimuku vikevyo vilinakuviisa lifuti lyeni, co munapande kwana kasingimiko kuli Njambi ya Isalele. Amo akalikela kumihisa, na vinjambi veni, na lifuti lyeni.