Yona 3:6 - Livulu lya Shukulu Kalunga

⁶ Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito.

Yona 3:6 Iomraidhean Croise

1 Vimyene 21:27

Omo Elinja wamanesele kwendeka, co Ahave wazalele cikeleya mutanya na vutsiki. Walinyengele, co wavyanene kulya.

Yombi 2:8

Yombi wakatukile nakutumbama a lishito lya lito, co wanonele citambi nakulipala naco a vimbandu vyendi.

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Isaya 15:3

Co vanu vakenda mu vitapalo oku vanazala vikeleya, mushandangala yangoco na akamwa ya vinjuvo vyavo, vanu valinakulila na kusikoka.

Njelemiya 13:18

Shukulu Kalunga wendekele kuli yange ngwendi, “Leka mwene na vaina vatunde a matanda avo, omwo vilongo vyavo vyavivwa vinau ku mitwe yavo.

Njelemiya 36:13

Mikaya wavalekele vyuma vyoshe vije vyazivile kuli Mbaluke omo wavilavelele vanu.

Njelemiya 36:24

Oloni nambe mwene, nambe umo wa ali vamyata vendi uje wazivile vyoshe vije vasonekele muje mu livulu, kuvazivila lyova nambe kumwesa cimweso cimo ca vusiwa.

Njelemiya 6:26

Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Mbimbi 2:10

Vakulunu va mu Yelusalema vanatumbama asi kuluu, vanalishuwila livu a mitwe yavo, co vanazala vikeleya. Vambanda vanakulamesa mitwe yavo asi.

Mbimbi 3:29

tunapande kukulama nakwononoka, amo kucili cinyangavili.

Ezekiyele 26:16

Vimyene voshe va ku vikuma vya mema a kalunga vakashuluka a matanda avo. Vakashulula vikoveyo vyavo vyavilaja mavoko, na vuzalo vwavo vwakushelasana, co vakatumbama asi nakujaja. Vakakala na lyova a kayando kove ngeci kuvakasa kulikela kujaja.

Ndanyele 9:3

Co njalombelele manene kuli Shukulu Kalunga Njambi, nakulambelela kuli ikeye, nakulikela kulya, co njazalele cikeleya, nakutumbama mu lito.

Mika 1:10

Kesi muleke vitozi vetu mu Ngate akuhyana kwetu, kesi muvatavese kumimona mumulila kutendeka. Vanu va Mbete Leyafela mweseni kukulaela akulyalanga mu likungu.

Mateo 11:21

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vazalele vikeleya nakulikwita lito kumwesa ngeci vanatenguluka ku vivi vyavo!

Luka 10:13

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vatumbamene laja asi nakuzala vikeleya nakulikwita lito kumwesa ngeci vanatenguluka ku vivi vyavo!