Yona 2:6 - Livulu lya Shukulu Kalunga

⁶ Njashelumukile kwisi-kwisi manene, ku vushangumukilo vwa minkinda, mu lifuti muje vikolo vyamwo vyakupatelela myaka yoshe. Oloni yove Shukulu Kalunga Njambi yange, wanjitundisile na mwonyo wange mu lifuti lya vatsi.

Yona 2:6 Iomraidhean Croise

Yombi 33:24

Co mukutetela kangelo akendeka ku lifuti lya vatsi ngwendi, ‘Mwecele! Kesi ashelumuke kuli yove embwe. Njinawana ndando mukumukula.’

Yombi 33:28

Ikeye wanjikulile ngeci kesi njiye ku lifuti lya vatsi, co na simbu ino njicili nakuyoya.’

Myaso 104:6

Wafwikile kaye na nzinga ngwe vuzalo vwa vulaja, co mema afwikile minkinda.

Myaso 104:8

Mema atundile ku minkinda nakushelumukila mu cimbongo, ashelumukilile ku mutambela kuje kuwaatumbwilile.

Myaso 116:3

Vutsi vwanjizengelekele ngwe mikole, na mishongo ya vukalo vwa vatsi yanjiwanene, co njakele mu tuyando na vusiwa.

Myaso 143:7

Njikumbulule vwasi Shukulu Kalunga cinyangavili cange coshe cinahu! Kesi unjikengese nima, kutewa njitsa.

Myaso 16:10

omwo kuukanjiseze mu vukalo vwa vatsi, nameme kutava muka-kujela wove ngeci akanyonge.

Myaso 18:5

Kutsa kwanjizengelekele ngwe linimbwa, co vinganjo vya mbumbo vyanjishwikile.

Myaso 30:3

Yove Shukulu Kalunga wanjitundisile mu vukalo vwa vatsi, unanjiyoyesa ngeci kesi njitse.

Myaso 30:9

Vikajo uwanao a kutsa kwange? Seo mukajo ukawanao nga njitsa? Kuma vatsi vasa kukushangazala ndi? Kuma vasa kwambulula vya kulongwa kwove kukwesi kuhwa ndi?

Myaso 55:23

Oloni yove Njambi, ukombila kuti mapwepwe na vaka-makuli mu mbulu yakulova manene, kuvakayoyo kweta akati ka matangwa avo akuyoya embwe. Oloni yange njikakulaela kuli yove.

Myaso 65:6

Yove wemikile minkinda mu mitambela yayo na nzili yove, mukusholola nzili yove yakukomokesa.

Myaso 69:2

njinatomena mu vutome vwakulova, muje kumwesi livu lyakukola akwimana, mema akulova ashaka kunjikupula, co mankimba ao alinakunjikoka ngeci anjikupule.

Isaya 38:10

Njayongwele ngeci njikaya ku vukalo vwa vatsi, omwo vanatepulula matangwa akuyoya kwange mu simbu ino.

Isaya 38:17

Vusiwa vwange vukemuka kwoloka. Amena mwonyo wange ku vushonde vwoshe, unjisambese ku vuvi vwange vwoshe.

Isaya 40:12

Iyajo neseka kuseteka mema a kalunga nambe kujangumuna lilu na mavoko endi? Iyajo naaka likungu mu mutonga, nambe kupeselesa minkinda na malundu a cipeseleso?

Ezekiyele 26:20

Njikakushelumwisa kwisi mu lifuti lya vukalo vwa vatsi, ukalipandakana na vanu vaje vakeleko ku simbu ya ku san̄ulu. Ukakala muje mu lifuti lya vatsi myaka yoshe nakulipandakana amo na vatsi. Kuje vene kuukasa kwiluka mukutambula mutambela wove lalo mu lifuti lya vaka-kuyoya.

Ezekiyele 31:14

Ngecivene, kutunda ku lelo nakutwala kulutwe, kukwesi muti lalo, nameme vautukumwine vati mema ukapwa waulaja ngwe muti uje lalo, nambe minango yawo lalo kuyikatuvakana minango ikwavo ku vulaja nakweta ku mashelwa. Yoshe ikanyonga, co ikatsa ngwe muvakatsi vanu, ikanyonga nakulipandakana na vaje vashelumukila laja ku vukalo vwa vatsi.”

Hambakuke 3:10

Omo minkinda yakumwene, co yaningangele, mema etikile kutunda mu mashelwa. Mema a mwisi ya asi akumine, co mankimba awo akatukile kuya kwilu manene.

Hambakuke 3:6

Omo alikela, co kaye kajaja, omo akenga, co vanu voshe a kaye valijajela. Alingisa minkinda yalaja ngeci isanyozoke sanyu-sanyu, na malundu kumbwitama kwisi, malundu aje ikeye wendeleo ku san̄ulu.

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.