Yona 1:9 - Livulu lya Shukulu Kalunga

⁹ Yona wavakumbulwile ngwendi, “Yange nji kaHevelu. Njikalemesa Shukulu Kalunga, Njambi wa mwilu, uje watangele mema a kalunga na kaye.”

Yona 1:9 Iomraidhean Croise

Kushangumuka 1:10

Njambi watumbwile livu lyakuma ngwendi, “Nunda,” co aje mema alikungulwilile amo waatumbwile ngwendi, “Mema a kalunga.” Njambi wamwene ngeci cinavwaa.

Kushangumuka 14:13

Oloni munalume umo waputumukileko, co wanenele vukaleo vwoshe kuli Avilama kaHevelu, uje wakele kuyehi na miti yakujela ya Mamele kaAmoli. Mamele na vandolome vendi Eshekole na Anele vapwile vasamba va Avilama.

Kushangumuka 24:7

Shukulu Kalunga, Njambi wa lilu, uje wanjitundisile ku njuvo ya tate, na ku lifuti lya vavushoko vwange, ikeye walisingile nakunjikulaesa ngeci akana lifuti eli kuli vatekulwila vange. Ikeye akatuma kangelo kendi kulutwe lwove, ngeci ukase kuwana munakazi wa munange kuje.

Kushangumuka 39:14

co munakazi wa Potifalo wasanene vangamba vendi nakwendeka ngwendi, “Kengeni a cuma eci! Munalume wange wanenele ou kaHevelu muno mu njuvo mukutushaula. Ikeye nezile muno mu mulili wange nakwendeka nange ngwendi njisimutwiye nendi, oloni njatambekele na lijwi lyakama ngwe munjinasela.

2 Vimyene 17:25

Omo vakele muje akulivanga, kuvalemesele Shukulu Kalunga embwe, co Shukulu Kalunga wavatuminine vindumba, vatsiile vamo akati kavo.

2 Vimyene 17:28

Ngecivene, muka-kukombelela umo wa kaIsalele uje watundile ku Samaliya vamwangwile kwiluka ku Isalele, wakakele mu Mbetele, co walongesele vanu mwakulemesela Shukulu Kalunga.

Ezela 1:2

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda.

Ezela 5:11

“Vakevo vatukumbulwile ngwavo, ‘Yetu tu vangamba va Njambi wa mwilu na asi, tulinakutungulula Njuvo ya Shukulu Kalunga ije ivatungile laja nakuyivwaesa kuli mwene wakama wa Isalele.

Nehemiya 1:4

Omo njazivile vyoshe evi, njatumbamene asi nakulila. Njalilile matangwa amangi kujeneka kulya. Co njalombelele kuli Njambi ngwange,

Nehemiya 2:4

Mwene wanjihwile ngwendi, “Cooni ushaka vikajo?” Co njalombelele kuli Njambi wa Mwilu,

Nehemiya 9:6

Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Yombi 1:9

Co Satana wakumbulwile ngwendi, “Kuma Yombi anga akakulemesa nga navimo vyai awanao?

Myaso 136:26

Kandeleleni kuli Njambi wa mwilu, omwo cizemo cendi cije kucesi kutenguluka cakala ku myaka yoshe.

Kutuuka 1:15

Asinoni mwene wa Ingito wendekele kuli vifungwizi va vaHevelu mazina avo, Shifela, na Puwa,

Kutuuka 2:13

Alikaki lalo welukilileko, wamwene vaHevelu vavali va vanalume valinakulwa. Co wendekele kuli uje waviisile ngwendi, “Omwo vikajo ulinakupupanga mukweni kaHevelu ngacije?”

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Vilinga vya Miluwa 27:23

Omwo ku vutsiki vunahu, kangelo ka Njambi uje kunjakundama uje lalo njikalemesa nezile kuli yange,

Filipu 3:5

Vanjituwile a litangwa lyamucitanu na atatu. Ku cisemwa cange yange njapwa nji kaIsalele, wa ku muyati wa Mbenjemani, ku maninga nji kaHevelu mpundu. Ngecivene, akunyunga Lishiko lya vaYunda, njapwa nji kaFaliseo,

Kujombolola 11:13

Co a simbu ije vene kwakele mandunduma akama, mutambela wamulikumi wa nganda wasiwukile, co vanu vakupwa 7,000 vatsile, vaje vasaleleo vazivile manene lyova, co vashangazalele vukama vwa Njambi wa mwilu.

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”

Kujombolola 16:11

co vashawile Njambi wa mwilu omwo kuvavla na vimbandu vyavo. Oloni kuvatengulukile ku vingila vyavo vyavivi.