Yona 1:16 - Livulu lya Shukulu Kalunga

¹⁶ Asinoni vaje vaka-kujavula vazivilile Shukulu Kalunga lyova, co vakombelelele n̄ombelo kuli Shukulu Kalunga nakulikumiiya nendi.

Yona 1:16 Iomraidhean Croise

Kushangumuka 28:20

Asinoni Yakomba walisingile kuli Shukulu Kalunga ngwendi, “Nga yove ukakala nange nakunjinyunga a vungenzi vwange ovu, nakunjana vyakulya na vyakuzala,

Kushangumuka 8:20

Ngecivene, Nowa watungilile Shukulu Kalunga mutula, co wakwatele ku muyati umo na umo wa vimuna na tuzila vakulya, wavakombelelele kupwa n̄ombelo ya kwenyeka kuli Shukulu Kalunga.

2 Vimyene 5:17

Ngecivene, Namane wendekele ngwendi, “Nga yove shove kutambula vwana vwange, cooni njitave njambate vitele vivali vya livu a vimulu njiye nalyo kwimbo lyange, omwo kutunda ku lelo na kulutwe kunjikakombelela nambe n̄ombelo ya kwenyeka kuli njambi weka kuvanga kuli Shukulu Kalunga lika.

Yombi 37:24

Ngecivene, vanu vakamukomoka, ikeye kesi kumbako mbunge, kuli vaje valiyongola vakevo vavenya kupwa vaka-mana.”

Myaso 107:22

Vanu vanapande kumukombelela vin̄ombelo vya cikandelela, nakwambulula vilinga vyendi mu myaso yakujolela!

Myaso 116:14

Mu cikungulukilo ca vanu vendi voshe, njikamwana vije njamukulaesele.

Myaso 50:14

Kombeleleni kuli Njambi vin̄ombelo vyeni vya cikandelela, co aneni vije vimunalisingi kuli Muka-nzili yoshe.

Muka-kwambulula 5:4

Omwo ulisinga cisingo kuli Njambi, kesi wishwale kucilinga. Njambi kesi kuvwaelela na vilema. Linga vije unamukulaesa.

Isaya 26:9

Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Njelemiya 5:22

Yange njapwa Kalunga, omwo vikajo kumunjilemesela? Omwo vikajo kumunjikomokela? Njaakele lishen̄avu kupwa nginga ya mema a kalunga, nginga yakutaluka ije kuvasa kujomboka. Mema a kalunga asa kungwanjanga, oloni kuwasa kujomboka nginga, mankimba asa kungwanjanga, oloni kuwasa kuyijomboka embwe.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Yona 1:10

Yona wavalekele muje mwatewele kuli Shukulu Kalunga. Vaka-kujavula vazivile manene lyova, co vamwihwile ngwavo, “Vikajo unalingilamo?” (Vazivukile ngeci natewa kuli Njambi, omwo navalekele laja.)

Yona 1:14

Ngecivene, vatambekele kuli Shukulu Kalunga ngwavo, “Yove Shukulu Kalunga, tulomba kuli yove ngeci kesi utunyanyamese a mwonyo wa munu ou. Co kesi utuhise akutsiya munu wakujeneka mulomga omwo yove Shukulu Kalunga unalingi ngwe muunashaka.”

Mako 4:31

Vunalifu ngwe munu anona kanona kamo ka mbuto ya musalata, kakeko kapwa kakandondo manene muno mu kaye, co wakakunine.

Vilinga vya Miluwa 5:11

Co cikungulukilo coshe na vanu voshe vaje vazivile vyuma evi vakele na lyova lyakama.

Maako 13:16

Co kangelo ka Shukulu Kalunga wendekele kuli Manowa ngwendi, “Nga kumunjitavesa kuya, co kunjikali vyakulya vyeni, oloni nga mulivwaesela n̄ombelo ya kwenyeka, co ikombeleleni kuli Shukulu Kalunga.” Omwo Manowa kazivukile ngeci uje wapwile kangelo ka Shukulu Kalunga.