Yona 1:10 - Livulu lya Shukulu Kalunga

¹⁰ Yona wavalekele muje mwatewele kuli Shukulu Kalunga. Vaka-kujavula vazivile manene lyova, co vamwihwile ngwavo, “Vikajo unalingilamo?” (Vazivukile ngeci natewa kuli Njambi, omwo navalekele laja.)

Yona 1:10 Iomraidhean Croise

Kushangumuka 3:13

Shukulu Kalunga Njambi wehwile munakazi ngwendi, “Omwo vikajo walingi eci?” Co munakazi wamukumbulwile ngwendi, “Linyoka nanjikwisile ngeci njinalile.”

2 Samwele 24:3

Oloni Yowave wakumbulwile mwene ngwendi, “Shukulu, Shukulu Kalunga Njambi yove atumise vanu va Isalele visimbu 100 kutuvakana muvanapu ololo, ngeci yove uyoye nakumona omo avatumisa. Oloni omwo vikajo shukulu ushaka kulinga eci?”

Yombi 27:22

co Njambi akavasha kwa mema ku mbunge, omo vashaka ngeci vatewe kuli ikeye.

Yona 1:11

Co vamwihwile ngwavo, “Cuma mukajo citulinga kuli yove ngeci lihunzi eli lilendemane?” Omwo mankimba acitwaleleo kungwanjanga.

Yona 1:3

Oloni Yona watewelele ku Tashishi kutunda kuli Shukulu Kalunga. Co waile ku Yopa, kuje wakawaneneko vwato vwakama vuje vwakele nakuya ku Tashishi. Co wafwetele mwombo wa vungenzi vwendi, wakovelele mu vwato amo na vaka-kujavula ngeci aye ku Tashishi, akakale kulyala na Shukulu Kalunga.

Yowano 19:8

Omo Pilato wazivile lijwi eli, co wazivile manene lyova.

Yoshwa 7:25

Co Yoshwa wamwihwile ngwendi, “Omwo vikajo unatunenela tuyando twangacije? Ololo nove Shukulu Kalunga akakuyandesa ku litangwa lya lelo!” Asinoni vanu voshe vamwashele mamanya nakumutsiya. Co lalo vashele mamanya naanga yendi nakwenyeka vufuko vwendi vwoshe.