Yombi 9:24 - Livulu lya Shukulu Kalunga

²⁴ Njambi naana kaye kuli vaka-vuvi. Ikeye napuputiisa mesho a vaka-kusompa voshe. Co nga Njambi kacilingile, ngwe iyajo nesikucilinga?

Yombi 9:24 Iomraidhean Croise

2 Samwele 15:30

Ndaviti walamatele ku Munkinda wa Olive nakulila, kazalele vin̄aku ku mendi endi, co wafwikile ku mutwe wendi kupwa cimweso ca vusiwa. Ngecivene, na voshe vaje vamukavele valifwikile ku mitwe yavo, co lalo valilile.

2 Samwele 19:4

Mwene walifwikile ku cihanga cendi walilile manene ngwendi, “Kekange munange! Munange Avisalome! Avisalome munange!”

Esita 6:12

Asinoni Molendekai welukile lalo ku cikolo ca lipela oloni Hamane wazambwilile ku njuvo yendi, wavandesele cihanga cendi omwo shwamwa.

Esita 7:8

Co walyumbilile asi ku vulili vwa Esita nakumulomba ngeci amuzivileko mema ku mbunge. Omo mwene welukile kutunda mu citungu ca lipela, omo wamwene eci, co watambekele ngwendi, “Ou munalume anjutukile lishano ano vene nakulala nendi ku mesho ange mu lipela lyange vavenya ndi?” Co vwasi-vwasi omo mwene acili nakwendeka, vayunuke vafwikile Hamane ku mesho.

Yombi 10:3

Kuma mwamuvwa kuli yove kuyandesa nakuyeluwisa vije watangele yove vavenya ndi? Nakujolela viyongola vya vanu vaka-vuvi?

Yombi 12:17

Ikeye akatundisa mana a vaka-kushwana, co apangesa vantwama ngwe vilema.

Yombi 16:11

Njambi nanjikundika ku mavoko a vaka-vuvi.

Yombi 19:7

Njilinakutambeka a vukalu vwendi, oloni naumo wai anjitolilila, co naumo wai aziva kutambeka kwange kwa vushunga.

Yombi 22:8

Wapangesele nzili yove na vukama vwove, ngeci ushwane lifuti lyoshe.

Yombi 24:12

Mu vinganda, vaje vanavetwa, na vaje valinakuvinjoka valinakuteta, oloni Njambi kombuko mbunge ku malombelo avo.

Yombi 24:25

Munu iyajo asa kuvyanangana ngeci kucafwile ngacije? Iyajo asa kuvyana ngeci majwi ange kesi a vushunga?

Yombi 32:2

Co Elihu muna Mbalakele mutekulwila wa Mbuze, wa ku cikota ca Lama, waluvalele manene omwo Yombi walisambesele ikeye vavenya kuli Njambi.

Myaso 17:14

Yove Shukulu Kalunga, njamene na livoko lyove ku vanu vaje valinakuvwaelela nakuyoya kwa ano asi. Vahise na tuyando tuje tuwavatulikila, tupwe twatungi kuli vana vavo, tupwe lalo twatungi kuli vatekulwila vavo!

Muka-kwambulula 4:1

Asinoni njakengele lalo a vyoshe vya vushunga vije vilinakulingiwa ano asi. Vaka-kuyanda vakele nakulila, co naumo wai wavazembelekele. Naumo wai wavazembelekele, omwo vaje vaka-kuvayandesa vakele na nzili ali vakevo.

Njelemiya 14:4

Livu lyatavozoka myanzi, omwo kuli lilanga lyakama mu lifuti, vandimi vali na vusiwa mu vimbunge vyavo, co vafwika ku mesho avo.

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Malakiya 2:17

Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”