Yombi 8:3 - Livulu lya Shukulu Kalunga

³ Njambi kesi kupengesa-pengesa vushunga, ikeye kesi kujuka kulinga vya vushunga.

Yombi 8:3 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

2 Mizimbu 19:7

Singimikeni Shukulu Kalunga, sompeni mwamuvwa, omwo Shukulu Kalunga Njambi yetu kesi kutava makuli, nambe civembulu, nambe kutambula lizika-kanwa.”

Yombi 10:3

Kuma mwamuvwa kuli yove kuyandesa nakuyeluwisa vije watangele yove vavenya ndi? Nakujolela viyongola vya vanu vaka-vuvi?

Yombi 19:6

Kuma yeni kumwamwene ngeci Njambi ikeye nalingi eci ndi? Ikeye nanjitela mweto mukunjikwata.

Yombi 19:7

Njilinakutambeka a vukalu vwendi, oloni naumo wai anjitolilila, co naumo wai aziva kutambeka kwange kwa vushunga.

Yombi 21:15

Vendeka ngwavo, “Njambi ikeye iyajo ngeci tumupangele? Nambe seo mukajo tuwanao akulombela kuli ikeye?”

Yombi 21:20

Mesho a vaka-vuvi amone cihiso cavo vakevo vavenya, co vanwe ku vukalu vwa Njambi Muka-nzili yoshe.

Yombi 34:5

Yombi nendeka ngwendi ikeye napu wakujeneka mulonga, ngeci Njambi natundisa vushunga muli ikeye.

Yombi 35:13

Cinapu cangoco kuli vakevo kutwa kawelele, Njambi Muka-nzili yoshe kasa kuvamona nambe kuvaziva.

Yombi 36:23

Naumo wai asa kuleka Njambi mwakupangela, nambe kumuvangela ngeci nalingi vuvi.

Yombi 36:3

Kuzivuka kwange cinatuvakana, njipangesa vije njizivuka, mukumwesa ngeci Njambi, Ishamatanga wange wapwa wa vushunga.

Yombi 37:23

Nzili ya Njambi inapu yakama ngeci kutwasa kushwenya kuli ikeye, napu wa kulongwa na vushunga mukupanga kwendi na vanu.

Yombi 4:17

‘Munu asa kupwa wakushungama ku mesho a Njambi, nambe kupwa wakujela ku mesho a Ishamatanga wendi?

Yombi 40:2

“Kuma uje muka-kuwanena vakwavo milonga asa kusompa na Muka-nzili yoshe ndi? Woshe uje ali na vimata na Njambi, mweceleni akukumbulule.”

Yombi 40:8

Kuma yove ulinakweseka kunjiwanena mulonga ngeci yange njihye yove usambe ndi?

Yombi 9:2

“Mwa vushunga njazivuka mukemwo mucafwa vene. Oloni vatijo munu asa kupwa muka-vushunga ku mesho a Njambi?

Myaso 89:14

Ukashwana vumwene vwove mukushungama na mu vushunga, cizemo cije kucesi kutenguluka na kulongwa visholoka mu vyoshe vije ulinga.

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Ezekiyele 18:25

“Oloni mwendeka ngweni, ‘Vije vyalinakulinga Shukulu Kalunga kesi vya vushunga embwe.’ Tolilileni kuli yange, yeni vaIsalele. Kuma mulinakuyongola ngweni ngila ije njilinakulingilamo vyuma kesi ya vushunga ndi? Ngila yeni ikeyo kesi ya vushunga.

Ezekiyele 33:17

“Vanu vove vendeka ngwavo vije njilinakulinga kesi vya vushunga! Embwe, vingila vyavo vikevyo kesi vya vushunga.

Ezekiyele 33:20

Oloni Isalele, wendeka ngwove vije njilinakulinga kesi vya vushunga. Njikakusompa a vije ulinakulinga.”

Ndanyele 9:14

Yove Shukulu Kalunga Njambi yetu, walivwaeselele cimweja kutunyanyamesa, co walingilemo vene, omwo simbu yoshe ukalingi vije vinapu vya vushunga, oloni yetu kutwakutolililile.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 16:7

Asinoni njazivile lijwi lyatundile ku mutula lyendekele ngwalyo, “Shukulu Kalunga Njambi Muka-nzili yoshe! Kusompa kwove kunapu kwa vushunga na vuvwa!”