Yombi 7:20 - Livulu lya Shukulu Kalunga

²⁰ Nga njinalingi vuvi, vikajo njikalinga kuli yove? Yove muka-kunyunga vanu nakuvakenga. Omwo vikajo unanjipangesa mu vipangi a seteko iwunamanga? Kuma yange njinapu citele cakama kuli yove ndi?

Yombi 7:20 Iomraidhean Croise

Nehemiya 9:6

Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Yombi 10:14

Wakele nakunjinyungilila kumona nga njilinga vuvi, ngeci uvyane kunjisambesa.

Yombi 10:2

Njikendeka kuli Njambi ngwange kesi unjihise. Njileke! Vikajo unjilwisila?

Yombi 10:6

Ngeci utondesese milonga yange nakukon̄a vuvi vwange.

Yombi 13:26

“Kusompa kwove kwakunjilwisa kunapu kwakukalu, nameme vije vinjalingile omo njapwile mukwenje.

Yombi 14:16

Asinoni ukalava manambo ange, oloni kuukalandula vivi vyange.

Yombi 22:5

Embwe, oloni omwo unalingi vuvi vwakama manene, omwo a vyuma vyoshe vyavivi vije viwunalingi.

Yombi 3:24

Kukemanga kwange kunapu ngwe vyakulya vyange, co mivinjo yange itika ngwe mema.

Yombi 31:33

“Vanu vamo vakeseka kushweka vuvi vwavo, oloni yange kunjashwekele vuvi vwange.

Yombi 33:27

Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Yombi 33:9

‘Yange njinajele, kunjesi na mulonga. Kumwesi vuvi muli yange.

Yombi 35:3

nambe kwihula Njambi ngwove, ‘Vuvi vwange vukuviisa vatijo? Vikajo njinawanao a kulinga vuvi?’

Yombi 35:6

Nga ulinga vuvi, eci kucinene vushonde kuli Njambi. Nga uviisa visimbu vyavingi, kuma eci kucipu vushonde kuli ikeye ndi?

Yombi 6:4

Njambi Muka-nzili yoshe nanjasha mikili, ngeci vulembe vwayo vunajalakana mu muvila wange. Vyakujujwisa vya Njambi vilinakunjilwisa.

Myaso 21:12

Ikeye akavasha mikili yendi, co vakatewa.

Myaso 36:6

Vushunga vwove vunapu ngwe minkinda yakama, kusompa kwove kwalova manene ngwe mema a kalunga. Yove Shukulu Kalunga wanyunga vanu na tusitu.

Myaso 80:4

Yove Shukulu Kalunga Njambi Muka-nzili yoshe, visimbu vingaijo ukaluvala na malombelo a vanu vove?

Mbimbi 3:12

Wananele vuta vwendi vwa lusipa ngeci njipwe cimango ca mikili yendi.