Yombi 6:27 - Livulu lya Shukulu Kalunga

²⁷ Yeni mwasa kuta n̄ela ngeci visiwa muvapwise vindungo, nakulifukisa a vasamba veni va a mbunge!

Yombi 6:27 Iomraidhean Croise

Yombi 22:9

Kuwavyanene kukwasa vifwile lika, oloni yove wevile nakupangesa lalo visiwa na cikela.

Yombi 24:3

vakambata vimulu va vana va visiwa, co vatambula ngombe wakulimisa wafwile kupwa cishimbikiya.

Yombi 24:9

“Vaka-vuvi vakapwisa vana va visiwa vindungo, co vakambata vana va kautu kuvapwisa cishimbikiya.

Yombi 29:12

Omo tuutu vatambekele, co njavakwasele, co njakwasele visiwa vaje kuvakele noku kuvakundamene.

Yombi 31:17

nambe kutava ngeci visiwa vakale na njala omo yange njakele nakulya.

Yombi 31:21

“Nga njakwisile siwa umo, ngeci njikasambe mu mbanja,

Myaso 57:6

Vitozi vange vananjitela linimbwa ngeci njitseo, tuyando tunatumu manene. Vanjiindilile mbulu mu ngila yange, oloni vawilililemo vakevo vavenya.

Myaso 7:15

Vanu va cifwa eci valinakunjeseka, co kweseka kwavo kuvelukile vakevo vavenya!

Myaso 82:3

Lingeni vushunga kuli tuutu na kuli visiwa, lingeni vuvwa kuli vaka-kujeneka na kuli vaka-kuyanda.

Kutuuka 22:21

“Kesi mupangese mwamuvi nambe kuyandesa muka-kwija embwe, omwo neni lalo anukeni ngweni mwapwile vaka-kwija mu Ingito.

Njelemiya 18:20

Kuma mwamuvwa kwilwisila vuvi ku vuvwa ndi? Oloni vananjindila mbulu ngeci njiwilemo. Anuka muje munjemanene ku mesho ove nakuvemanena ngeci kesi uvanyanyamese.

Njelemiya 18:22

Tuma mbunga ya vanu vakupukule vinjuvo vyavo kwa kuvanangula, valile na lyova. Vananjindila mbulu ngeci njiwilemo, co vananjitela myeto ngeci njitsemo.

Ezekiyele 22:7

Naumo wai ali muno mu nganda alinakusingimika visemi vendi. Mulinakukwisa vaka-kwija nakuyandesa vifwile na visiwa.

Njwele 3:3

Vakevo vatele n̄ela mukuyongola iyajo umo akambata vaje vinzinda. Valandesele vakwenje na vambanda mu vunzinda, mukufweta ku vukwizi na vinyu.

Nahumi 3:10

Oloni vanu va ku Tevese vavatwalele mu vunzinda. Vana vavo vavapupile nakuvatsiila a masambwa-ngila. Vanalume vavo va kasingimiko vavakutile malyenge nakuvatwala nakulipangezelavo akati ka vaje vavakwatele.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!