Yombi 6:10 - Livulu lya Shukulu Kalunga

¹⁰ Nga njazivukile ngeci alingamo, nga njajolela nakundikangela, nameme kuvinjoka kwange kunapu kwakama manene. Njazivuka ngeci Njambi wapwa wakujela, yange kunjavyanene vije vyakashiki.

Yombi 6:10 Iomraidhean Croise

Yombi 11:4

Yove ngwove vyendeka vyove vya vushunga, co unendeka lalo ngwove uwakujela ku mesho a Njambi.

Yombi 15:11

“Kuzembeleka kwa Njambi, kuma cinapu cacindondo kuli yove? Majwi etu kuli yove apwile majwi a njozi.

Yombi 21:33

co vanu vakupwa 1,000 vakamusindikiya ku vimbumbo nakumutsinda, co vakamwofwela livu mwamuvwa.

Yombi 22:22

Tambula vilongesa vitunda mu kanwa kendi, co nyunga majwi endi mu mbunge yove.

Yombi 23:11

Lindi lyange linalyata mbe mu myanja yendi, njinende mu ngila yendi nakutundamo kwai.

Yombi 23:12

Simbu yoshe njikalingi vije Njambi avishika, co njikalingi cizango cendi, kesi cizango cange embwe.

Yombi 3:22

Kuvasa kujolela, kuvanga noo vanatsi nakuvatsinda.

Yombi 9:4

Njambi muka-mana na nzili, munu naumo wai emana nakumulwisa.

Myaso 119:13

Njikelukilamo kwendeka mashiko oshe, aje awunanjana yove Shukulu Kalunga.

Myaso 119:50

Njiwana kuzembeleka nameme njili mu tuyando, omwo cikulaeso cove canjanene mwonyo.

Myaso 37:30

Majwi a munu wamuvwa apwa a mana, co ikeye akendeka vushunga simbu yoshe.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

VaLevi 19:2

“Leka mbunga yoshe ya vanu va Isalele ngwove, ‘Pweni vakujela, omwo yange Kalunga Njambi yeni, njapwa wakujela.’

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Hambakuke 3:3

Njambi alinakwija kutunda ku Endome, Njambi wakujela alinakwija kutunda ku malundu a Palane. Vumpau vwendi vwafwiki melu, co asi oshe anashulu nakumushangazala.

Vilinga vya Miluwa 20:20

Mwazivuka ngweni kunjalikelele kulinga cuma cimo cije capwile cakumikwasa omo njambulwile nakulongesa mu mbunga na mu vinjuvo vyeni.

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”

1 Samwele 2:2

“Kukwesi umo wakujela wakulifwa ngwe Shukulu Kalunga, wai wakulifwa Nendi, kukwesi muka-kunyunga wakulifwa ngwe Njambi yetu.