Yombi 5:23 - Livulu lya Shukulu Kalunga

²³ Mahya awukalima kuwakakala na shaku, co vikashama kuvakakulwisa.

Yombi 5:23 Iomraidhean Croise

Isaya 65:25

Tungunga na vana va vimanga vakalya amo, vindumba na vingombe vakalya mwila, na manyoka vakalya livu. Kuvakashumu nambe kuvulumuna munu umo, a Siyone lilundu lyange lyakujela.”

Ezekiyele 34:25

Njikalikumiiya navo cikumiiyo ca kwoloka. Njikatundisa tusitu voshe va vushonde mu lifuti, ngeci vimanga vange vakakale mwamuvwa mu mahya nakulala mwamuvwa mu shwata.

Ezekiyele 34:27

Miti ikema vushuka, co mu mahya mukamena vimbuto, munu akakala mu kwoloka mu lifuti lyendi vavenya. Omo njikavatula malyenge a vanu vange nakuvapatula kuli vaje vavapwisile vinzinda, asinoni vakazivuka ngeci yange njapwa Kalunga.

Ndanyele 6:22

Njambi yange ikeye natumine kangelo kendi kushoka tunwa twa vindumba ngeci kuvasele kunjivulumuna. Ikeye nalingi eci omwo nazivuka ngeci kunjesi na mulonga ku mesho endi, co lalo kunjaviisile cuma cimo kuli yove shukulu.”

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

VaLevi 26:6

“Mukakala mu kwoloka kuluu mu lifuti lyeni, co kumukazivi lyova. Njikatundisa vushonde vwa tusitu vavavi mu lifuti lyeni, kumukakala lalo nzita muje.