Yombi 42:8 - Livulu lya Shukulu Kalunga

⁸ Ngecivene, ambateni vingombe va nkomba vatanu na vavali na majamba a vimanga vatanu na vavali mutwale kuli Yombi, co mukavakombelela kupwa n̄ombelo yeni vavenya. Yombi akamilombelela, co njikakumbulula lilombelo lyendi, kunjikamizivisa shwamwa ngwe mumwapandele. Yeni kumwendekele vya vushunga ali yange, ngwe mwalingile Yombi.”

Yombi 42:8 Iomraidhean Croise

Kushangumuka 20:17

Asinoni Avilahama walombelele kuli Njambi, co Njambi wakangwisile Ambimeleki, washokolwele shivu ya munakazi wendi, na vindungo vendi va vanakazi, co vakitile vana.

Kushangumuka 20:7

Oloni nameme ngoco, ilwisa munakazi kuli munalume wendi, omwo ikeye napu muka-kwimanena, ikeye akakulombelela, co kuukatsi embwe. Oloni nga yove kuumwilwisa, njikuleka ngwange ukatsa, yove na vanu vove voshe.”

1 Mizimbu 15:26

Co vakombelelele vingombe vatanu na vavali, na vimanga vatanu na vavali, ngeci Njambi akwase vaLevi vaje vambatele Cikasa ca Cikumiiyo.

2 Mizimbu 29:21

Vanenele vingombe va nkomba vatanu na vavali, na majamba a vimanga vatanu na vavali, na vana va vimanga vatanu na vavali, na majamba a vimembe vatanu na vavali, kupwa n̄ombelo yakutundisa vuvi vwa vaka-naanga ya vumwene na vanu va mu Yunda, nakujelesa Njuvo ya Shukulu Kalunga. Co mwene walekele vaka-kukombelela vatekulwila va Alone vakombelelele vin̄ombelo evi a mutula.

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Yombi 1:8

Shukulu Kalunga wehwile Satana ngwendi, “Unamono ngamba yange Yombi ndi? Kukwesi umo ano a kaye muka-vushunga na kulongwa, nakukomoka Njambi nakulitenga ku vuvi ngwe Yombi.”

Yombi 22:30

Ikeye akakupatula nga unapu wa kulongwa, nga vije viwulinga vinapu vya vushunga.

Yombi 35:8

Vuvi vwove vwasa kuviisa mukweni munu, co vuvwa vuulinga kuli ikeye vwasa kukwasa mukweni munu.

Yombi 42:9

Ngecivene, Elifaze, na Mbilendande, na Zofale valingile vije vyavashikile Shukulu Kalunga, co Shukulu Kalunga wakumbulwile lilombelo lya Yombi.

Myaso 103:10

Ikeye kesi kutuhisa ngwe ku vuvi vwetu embwe, nambe kutwilwisila vuvi vwetu ngwe ku milonga yetu.

Kutuuka 18:12

Asinoni Yetolo ishemweno ya Mosesa walambwile mulambu wa kwenyeka woshe wamutunu kuli Njambi amo na vin̄ombelo vikwavo. Asinoni Alone na vantwama voshe va Isalele valile amo nendi vyakulya vyakujela ku mesho a Njambi.

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Njelemiya 14:11

Shukulu Kalunga wendekele kuli yange ngwendi, “Njelemiya, kesi ulombelele vanu ava ngeci vavezike embwe.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Ezekiyele 14:14

Nameme nga vaje vanalume vatatu, Nowa na Ndanele na Yombi, vakelemo, nga vanamena lika myonyo yavo. Mukemwo mwanendeka Shukulu Kalunga wa Akamwa ya Vyoshe.

Ezekiyele 45:23

A litangwa na litangwa a matangwa atanu na avali a ciwano, akakombelele kuli Shukulu Kalunga, vingombe va nkomba vatanu na vavali na majamba a vimembe vatanu na vavali vakujeneka kapenga, nakuvenyeka voshe vamutunu. Co lalo akakombelele membe wa lijamba a litangwa na litangwa kupwa n̄ombelo ya a vuvi.

Kulava 23:1

Co Mbalame wendekele kuli Mbalake ngwendi, “Njitungile mitula itanu na ivali kuno, co lalo njinenele vingombe va nkomba vatanu na vavali na majamba a vimanga vatanu na vavali.”

Kulava 23:14

Ngecivene, wamutwalele mu lihya lya Zofime akamwa ya Munkinda wa Pisenga. Co kuje lalo wakatungilileko mitula itanu na ivali, a mutula umo na umo wakombeleleleo ngombe wa nkomba na lijamba lya manga.

Kulava 23:29

Mbalame wendekele kuli Mbalake ngwendi, “Njitungile lalo mitula itanu na ivali kuno, co njinenele vingombe va nkomba vatanu na vavali na majamba a vimanga vatanu na vavali.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.

VaHevelu 10:4

Omwo maninga a vingombe va nkomba na vimembe kuwasele kutundisa vivi vya vanu.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

Yakomba 5:14

Kwali umo akati keni alinakuvinja ndi? Napande kusana vakulunu va cikungulukilo, co vamulombelele nakumuvwavesa mazi mu lizina lya Mwene.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

1 Yowano 5:16

Nga umona muka-kukulaela alinga vuvi vuje kuvwasa kumutwala ku kutsa, unapande kulombela kuli Njambi, uje akamwana mwonyo. Eci cinakundama kuli vaje vivi vyavo kuvivatwala ku kutsa. Oloni kuli vuvi vuje vutwala ku kutsa, co kunjasa kwendeka ngwange munapande kulombela kuli Njambi a vuvi vwangacije.

1 Yowano 5:6

Yesu Kilistu ikeye wezile na mema akumbwitika kwendi na maninga a kutsa kwendi. Kezile lika na mema, oloni wezile na vyoshe vivali mema na maninga.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.

1 Samwele 25:35

Asinoni Ndaviti watambwile vije vyamunenelele Avingaile, co wendekele kuli ikeye ngwendi, “Iluka mwamuvwa kwimbo, kesi ulinyenge. Njikalinga vije vyoshe viwushaka.”