Yombi 42:7 - Livulu lya Shukulu Kalunga

⁷ Omo Shukulu Kalunga wamanesele kwendeka kuli Yombi, co wendekele kuli Elifaze ngwendi, “Njinaluvala nove na vasamba vove vavali, omwo kumwendekele vya vushunga ali yange, ngwe mwanendeka ngamba yange Yombi.

Yombi 42:7 Iomraidhean Croise

Yombi 1:8

Shukulu Kalunga wehwile Satana ngwendi, “Unamono ngamba yange Yombi ndi? Kukwesi umo ano a kaye muka-vushunga na kulongwa, nakukomoka Njambi nakulitenga ku vuvi ngwe Yombi.”

Yombi 11:1

Co Zofale kaNamate wakumbulwile ngwendi,

Yombi 2:11

Vasamba va Yombi vatatu vezile kuli ikeye mazina avo, Elifaze, wa ku nganda ya Temane, na Mbilendande, wa ku lifuti lya Shuwa, na Zofale, wa ku lifuti lya Nama. Omo vazivile tuyando twa Yombi, co vayongwele kuyako nakumuzembeleka.

Yombi 22:30

Ikeye akakupatula nga unapu wa kulongwa, nga vije viwulinga vinapu vya vushunga.

Yombi 32:5

Omo wamwene ngeci vaje vanalume vatatu kuvasele kukumbulula Yombi, co waluvalele.

Yombi 4:1

Elifaze kaTemane wakumbulwile Yombi ngwendi,

Yombi 40:3

Asinoni Yombi wakumbulwile Shukulu Kalunga ngwendi,

Yombi 42:1

Asinoni Yombi wakumbulwile Shukulu Kalunga.

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Yombi 8:1

Asinoni Mbilendande kaShuhe wakumbulwile ngwendi,

Myaso 51:4

Njinavulumuna kuli yove, kuli yove lika njinavulumuna, co njinalingi vyavivi ku mesho ove. Ngeci yove ushungamese omo unjisompa nakwendeka ngeci njili na mulonga.