Yombi 42:11 - Livulu lya Shukulu Kalunga

¹¹ Co vandolome va Yombi voshe, na vandokazi vendi, na vasamba vendi vaje vakele navo laja vezile kuli ikeye, co valingile ciwano amo nendi mu njuvo yendi. Co vamwesele vusiwa vwavo ali ikeye nakumuzembeleka a tuyando twoshe tuje twanenele Shukulu Kalunga ali ikeye. Co munu na munu wamwanene vimbongo na kanzeya ka ngolinde.

Yombi 42:11 Iomraidhean Croise

Kushangumuka 24:22

Omo Lembeka wamanesele kunwisa tumelo, co uje munalume wanonele kanzeya ka ngolinde ka ndando yakama wakaakele mu majulu a Lembeka, co wamwakele lalo makayi avali akama a ngolinde ku mavoko endi.

Kushangumuka 24:53

Asinoni wanonele vyuma vyakuzala vya senga vya siliva, na ngolinde, na vuzalo, wavyanene kuli Lembeka. Co waanene lalo vwana vwa ndando yakama manene kuli ndolome yendi na kuli vaina.

Kushangumuka 37:35

Asinoni vana vendi voshe va vanalume na ava va vanakazi vezile kuli ikeye nakumuzembeleka, oloni ikeye wavyanene kumuzembeleka wendekele ngwendi, “Njikaya ku vukalo vwa vatsi anga njicilila munange.” Ngecivene, watwaleleo kulila manene munendi Yosefa.

Yombi 16:5

Njasa kumitakamesa nakuminangula, nakwendeka kuli yeni nakumizembeleka.

Yombi 2:11

Vasamba va Yombi vatatu vezile kuli ikeye mazina avo, Elifaze, wa ku nganda ya Temane, na Mbilendande, wa ku lifuti lya Shuwa, na Zofale, wa ku lifuti lya Nama. Omo vazivile tuyando twa Yombi, co vayongwele kuyako nakumuzembeleka.

Yombi 4:4

Omo munu wapelyangelele, nakuzeya nakujuka, co majwi ove amukolesele mukwimana.

Visimo 14:20

Nga u kautu, kuukala na vasamba, oloni nga u muka-kufuka, ukala na vasamba vavangi.

Visimo 16:7

Omo uvwaelelesa Shukulu Kalunga, nameme vitozi vove vapwa vasamba.

Yowano 11:19

co vaYunda vavangi vezile nakumona Mata na Maliya nakuvazembeleka a kutsa kwa ndolome yavo.

Loma 12:15

Vwaeleleni na vaje valinakuvwaelela, lileni na vaje valinakulila.

1 Kolinte 12:26

Nga cilyo cimo ca ku muvila cilinakuyanda, co vyoshe vilyo viyandela amo naco, nga cilyo cimo vacishangala, co vyoshe vilyo vivwaelela amo naco.

VaHevelu 12:12

Ngecivene, junduleni mavoko eni aje anatepuka, co koleseni mavuli eni akuzeya!

VaHevelu 13:3

Anukeni vaje vali mu kamenga, ngwe neni lalo muli mu kamenga amo navo. Anukeni vaje valinakuyanda, ngwe neni lalo mulinakuyanda amo navo.

Yoshwa 24:32

Co muvila wa Yosefa, uje vezile nawo vanu va Isalele kutunda ku Ingito, vautsindile ku Shekeme, mu kamutambela kamo ka livu kaje kalandele kuli vana va Hamole, ishe ya Shekeme, na mavundungulu a siliva akupwa 100. Co livu lije lyapwile vushwana vwa vatekulwila va Yosefa.

1 Samwele 10:27

Oloni vikolokomba vamo vendekele ngwavo, “Munu ou akatwamena vatijo?” Co vamuyeluwisile kuvamuneneleleko vwana. Oloni Saulu wolokele kuluu.