Yombi 40:4 - Livulu lya Shukulu Kalunga

⁴ “Kenga, yange iyajo ngeci njikukumbulule? Vikajo vinjikukumbulula? Yange nalumo lwai njikendeka lalo.

Yombi 40:4 Iomraidhean Croise

Kushangumuka 18:27

Avilahama wendekele lalo ngwendi, “Shukulu njisambese a lukakateya lwange lwakwendeka nove. Yange nji munu wangoco, kunjapandele kwendeka cuma cikwavo lalo.

Kushangumuka 32:10

Kucanjipandelemo kutetela kwangacije na vuvwa vwove vuunasholola kuli yange ngamba yove, co nacimo cai njajavukile naco Yondau kuvanga mulamu lika, co ololo kenga, njineluka na vimbunga evi vivali!

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

1 Vimyene 19:4

wendele litangwa lyoshe lyamutunu mu mambo. Co watumbamene asi mu munzinze wa muti, ikeye washakele ngeci atse. Co walombelele ngwendi, “Njayanda manene Shukulu Kalunga, tundisa mwonyo wange, ngeci njitse!”

Ezela 9:15

Yove Shukulu Kalunga Njambi ya Isalele, yove muka-vushunga, yove unatava ngeci yetu tuyoye. Tulitavela mulonga wetu kuli yove, kutwapandele kwimana ku mesho ove.”

Ezela 9:6

Co njendekele ngwange, “Yove Shukulu Njambi, njili na shwamwa manene yakwandula mutwe wange ku mesho ove. Vuvi vwetu vunatumu manene kutuvakana mitwe yetu, vunete na mu melu.

Nehemiya 9:33

Yove walingile mwamuvwa kutuhisa, yove wapwa wa kulongwa, nameme twalingile vuvi.

Yombi 16:21

Njishaka munu umo wakunjimanena kuli Njambi, ngwe munu emanena musamba wendi.

Yombi 21:5

Njikengeni mulikomokele nakukasama.

Yombi 29:9

co vamyata volokele kuluu.

Yombi 31:37

Nga njaleka Njambi vyuma vyoshe vinjalingi, nakwenda nakundikangela ku mesho endi.

Yombi 37:19

Tulongese mutukendekela kuli Njambi, mana etu apwa amupulungwa, kutwesi na vimo vyakwendeka.

Yombi 40:3

Asinoni Yombi wakumbulwile Shukulu Kalunga ngwendi,

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Myaso 39:9

Njikoloka kuluu ngwe kaveveve, kunjikendeka lijwi nalimo lyai, omwo yove unanjimwesa tuyando twangacije.

Visimo 30:32

Nga ulinga vulema mu kulyalesa, nakutumba vutumbe vwavuvi, likele, co yongola!

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Mbimbi 3:29

tunapande kukulama nakwononoka, amo kucili cinyangavili.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

VaLevi 13:12

Nga uje mushongo wa a cikonde wakulitambwisa wajauka laja kuli uje munu kutunda ku mutwe nakweta ku mendi,

Mika 7:16

Akumona cuma eci, co miyati ya vanu vakonwa kulingao cuma cimo, nameme vaje vali na nzili manene kuvakendeka cuma cimo nameme kutolilila embwe.

Hambakuke 2:20

Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.

Zakaliya 2:13

Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.

Luka 18:13

Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, ‘Njambi, njizivileko mema ku mbunge yange muka-vuvi!’

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”

1 Timateo 1:15

Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene.

Maako 18:19

Co vakevo vamulekele ngwavo, “Oloka kuluu, kesi wendeke lijwi limo. Ija amolika netu upwe muka-kunangula na muka-kukombelela wetu. Kuma yove kuushaka kupwa muka-kukombelela wa muyati woshe wa Isalele, kutuvakana kupwa muka-kukombelela wa naanga ya munu umolika ndi?”