Yombi 39:11 - Livulu lya Shukulu Kalunga

¹¹ Kuma wasa kumukulaela omo nzili yendi yakama, nakuyongola ngeci asa kukupangela vipangi vya nzili ndi?

Yombi 39:11 Iomraidhean Croise

Kushangumuka 1:26

Asinoni Njambi wendekele ngwendi, “Ololo oni tutangeni munu wakulifwa netu na mu cifwa cetu. Ngeci vakakale na moko yakushwana visi, na tuzila, na tusitu voshe, na vimuna vakama na ava vavandondo na ava vakulikoka.”

Kushangumuka 1:28

Wavavezikisile nakwendeka ngwendi, “Kiteni, ngeci vatekulwila veni vakatume ano asi oshe, co mukakala na moko yakushwana visi va mu mema a kalunga, na tuzila, na tusitu voshe.”

Kushangumuka 42:26

Vandolome vendi valongekeyeye tiliku ije ivalandele a vimulu vyavo, ngeci vaile.

Kushangumuka 9:2

Co tusitu voshe, na tuzila, na visi vakamizivila lyova nakumitewa, voshe njinavakundika mu mavoko eni.

Yombi 39:10

Kuma wasa kukuta mpakasha mukole ngeci alime ndi? Nambe kumupwisa muka-kulambesa livu lya mu vimbongo mu lihya lyove ndi?

Yombi 39:12

Kuma yove wamukulaela ngeci asa kukunenela vimbuto vyove ku lijungwilo ndi?

Myaso 144:14

Vingombe vyetu vasemunwine nakutuma manene-nene, kujeneka kupulumwisa, nambe kwonwa kusema. Mu vitapalo vyetu lalo kesi mukale mitambi yakulila embwe.

Myaso 147:10

Shukulu Kalunga kesi kuvwaelela mu nzili ya tuvalu, nambe kesi kuvwaelela na mashwalale vakunyanyama,

Myaso 20:7

Vamo vanakulaela mu matemba avo a nzita, co vakwavo lalo vanakulaela ku tuvalu twavo, oloni yetu tunakulaela nzili ya Shukulu Kalunga Njambi yetu!

Visimo 14:4

Kujeneka vingombe vakulima, mu cishete mukala mwamupulungwa, oloni nga ukala navo, co cishete cove cikashula na vimbuto.

Isaya 30:16

Oloni mutumba vutumbe vwakutewa kuli vitozi veni akulonda a tuvalu twa lumbisi. Mwamuvwa kuli yeni kutewa! Munayongola ngweni tuvalu tweni vali na lumbisi, oloni tuvalu twa vaje valinakumisheka vali na lumbisi kutuvakana.

Isaya 30:6

Eli likelyo lijwi lya Njambi a tusitu va mu mambo ya mu mbwela ngwendi, “Vaka-kwimanena va lifuti vaketi mukati ka lifuti lya vushonde, muje mwakala vindumba, na manyoka va vushungu, na vyanza-ngombe vakupulula. Vakambata vwana vwa seo yakama a vimulu vavo na a tumelo kutwala ku muyati uje kuwasa kuvakwasa.

Isaya 46:1

“Awa akewo mamaneselelo a vinjambi va Mbambilone! Akulivanga valemesele Mbele na Nembo, oloni ololo vanavalondeka a vimulu, vanapu citele a myongo ya tusitu vaje vanajuka.

Kulava 23:22

Njambi ikeye wavatundisile mu Ingito, ali na nzili ngwe mpakasha.