Yombi 38:6 - Livulu lya Shukulu Kalunga

⁶ Vikajo vyemika vimanda vije vyakwata kaye? Iyajo wajalele limanya lya mu mbango ya kaye?

Yombi 38:6 Iomraidhean Croise

Yombi 26:7

Njambi wajangumwine lilu lya ku kunto nakunyengelesa kaye a mukambwila.

Myaso 104:5

Yove wajalele luvula lwa kaye ngeci kaye kesi kashengenye.

Myaso 118:22

Limanya lije livavyanene vaka-kutunga, likelyo ololo linapu lya seo yakama kuli voshe.

Myaso 144:12

Vana vetu va vanalume a vukwenje vwavo, vapwe ngwe miti yakukuna, ije ilinakukula na nzili, co vana vetu va vanakazi, vapwe ngwe vimanda vya mu vimbango vya lipela vyakushonga mwamuvwa.

Myaso 24:2

Ikeye watungilile kaye a mema akulova mwisi ya livu, co wajalele luvula lwako a mema a kalunga akulova.

Myaso 93:1

Shukulu Kalunga ikeye mwene! Ikeye nazala vukama na nzili, kaye anga vakemikilile mu mwela wako, co kukesi kushwenya embwe.

Visimo 8:29

yange kunjakele omo watwile nginga ya mema a kalunga, ngeci mema a kalunga amwononokele. Yange kunjakele omo wajalele luvula lwa kaye.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Zakaliya 12:1

Awa akewo majwi a Shukulu Kalunga kuli Isalele, Shukulu Kalunga uje wajangumwine melu, uje watangele asi, nakwana mwonyo kuli munu. Ikeye alinakwendeka ngwendi,

2 Petulu 3:5

Vakevo vanayengula na cizango ngeci Njambi ku san̄ulu waanene lishiko, co lilu na kaye vavitangele. Kaye katundile mu mema, co vakanyungilile mu mema, kaye ka ku san̄ulu.

1 Samwele 2:8

“Ikeye atundisa tuutu mu likungu, co avakwasa mukujeneka kwavo. Akavapwisa vasamba va vimyene akavaka mu myela ya kasingimiko. Luvula lwa kaye lwapwa lwa Shukulu Kalunga, akeo natungila kaye.