Yombi 37:24 - Livulu lya Shukulu Kalunga

²⁴ Ngecivene, vanu vakamukomoka, ikeye kesi kumbako mbunge, kuli vaje valiyongola vakevo vavenya kupwa vaka-mana.”

Yombi 37:24 Iomraidhean Croise

Yombi 5:13

Vaka-kunyanyama vatsa mu myeto na kutsa mu matumbe avo vavenya,

Myaso 130:4

Oloni yove ukatusambesa ngeci tukukomoke.

Myaso 33:8

Yeni voshe vaka-asi komokeni Shukulu Kalunga! Musingimikeni, yeni voshe vanu va ano asi!

Myaso 40:4

Navezika munu uje akulaela kuli Shukulu Kalunga, munu uje kesi kutengulukila ku tumponya, nambe kulipandakana na vanu vaje vaka-kulemesa vinjambi va makuli.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Isaya 5:21

Ngongo yeni! Yeni munayongola ngweni munapu mu vaka-mana, co mwanyanyama manene.

Njelemiya 32:39

Njikavana ciyongola cimo mukuyoya kwavo, mukunjisingimika simbu yoshe, omwo a vuvwa vwavo, na a vuvwa vwa vatekulwila vavo.

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Njelemiya 5:22

Yange njapwa Kalunga, omwo vikajo kumunjilemesela? Omwo vikajo kumunjikomokela? Njaakele lishen̄avu kupwa nginga ya mema a kalunga, nginga yakutaluka ije kuvasa kujomboka. Mema a kalunga asa kungwanjanga, oloni kuwasa kujomboka nginga, mankimba asa kungwanjanga, oloni kuwasa kuyijomboka embwe.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Yona 1:16

Asinoni vaje vaka-kujavula vazivilile Shukulu Kalunga lyova, co vakombelelele n̄ombelo kuli Shukulu Kalunga nakulikumiiya nendi.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Luka 10:21

A simbu ije vene Yesu washulile nakujolela kwa Munzinzime Wakujela, co wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana. Mukemwo vene Tate, mucavwaela ku mesho ove.

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

1 Kolinte 1:26

Omwo ololo vavusamba vange, anukeni mumwafwile laja, omo Njambi wamisanene. Kweseka na viyongola vya vanu, vavandondo lika akati keni vapwile vaka-mana, nambe vaka-nzili, nambe vaka-vulemu.

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,