Yombi 36:27 - Livulu lya Shukulu Kalunga

²⁷ “Njambi ikeye muka-kutundisa mema ano asi, nakuwatengulula mambase a nyonzi.

Yombi 36:27 Iomraidhean Croise

Yombi 28:26

Omo Njambi wayongwele kulijo nyonzi inapande kunyokela, na mu ngila muje mwakwitila nyonzi yakuluma,

Yombi 36:26

Kutwasa kuzivuka vukama vwendi, nambe kulava vungi vwa myaka yendi.

Yombi 36:28

Ikeye akanyokesa nyonzi kutunda ku mashelwa, nakunyoka mingole ku vanu voshe.

Yombi 36:33

Cililimo ca nyonzi cituleka ngeci naluvala manene omwo ya vuvi.

Yombi 37:11

Co muhyato wakuyemuna ukatundu mu mashelwa,

Yombi 37:6

Ikeye akashiki mema akukonda ngeci anyokele asi, akanyokesa nyonzi ya vusuku-mbundu kujulisa kwoshe.

Yombi 38:34

“Yove wasa kutendeka lijwi lyove ku mashelwa, ngeci livazi lyakwo likufwike ndi?

Yombi 5:10

Ikeye akanyokesa nyonzi ano a kaye, nakunyokesa lalo nyonzi mu mahya.

Yombi 5:9

Ikeye lika asa kulinga vyuma vyakama vije kutwasa kuzivuka na vyuma vyakukomokesa vije kutwasa kuvizivisisa.

Myaso 147:8

Ikeye wafwika melu na mashelwa, nakunyokesa nyonzi ano asi, ngeci a malundu amene mwila.

Myaso 148:8

muhyato na nyonzi ya mamanya, mema akukonda na mashelwa, lihunzi lyakama lije lyononoka kushika kwendi!

Visimo 3:20

Mana endi alingisile mema amangi ngeci alyangunuke, na mashelwa kunyokesa nyonzi ano asi.

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Njelemiya 10:13

Akushika kwendi mema a mwilu akuma, ikeye muka-kwendesa mashelwa kutunda ku shongo imo ya kaye nakweta ku shongo ikwavo. Muka-kuyemwisa muhyato mu nyonzi, nakutuma lihunzi kutunda mu cishete cendi.

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Zakaliya 10:1

Lombeni nyonzi kuli Shukulu Kalunga a simbu ya nyangao. Ikeye Shukulu Kalunga muka-kutuma mashelwa a nyonzi ya vusuku-mbundu, mukuzivalesa vimbuto vya mu mahya a munu na munu.