Yombi 36:11 - Livulu lya Shukulu Kalunga

¹¹ Nga vononoka kuli Njambi nakumupangela, co vakayoya mwamuvwa mu kwoloka.

Yombi 36:11 Iomraidhean Croise

2 Mizimbu 33:13

Co Njambi watavele lilombelo lya Manase, wamutavele eluke lalo ku Yelusalema nakushwana. Co aje vene Manase wazivukile ngeci kuma Shukulu Kalunga ikeye Njambi.

Yombi 21:11

Vana vavo vakashatozoka nakweha ngwe vana va vimanga,

Yombi 21:13

Vakevo vayoya mu kwoloka, co vaya mu vukalo vwa vatsi kujeneka tuyando.

Yombi 22:21

“Ngecivene, Yombi lihambe na Njambi, likele kumupangesa ngwe citozi, co mu ngila eyi, akakuvezikisa.

Yombi 22:23

Eyo, unapande kulilumbilisa nakwiluka kuli Njambi, nakuseza vuvi vwoshe vuje vuli mu njuvo yove.

Yombi 42:12

Co Shukulu Kalunga wavezikisile Yombi a matangwa endi akukotokela kutuvakana a matangwa endi akulivanga. Co Yombi wakele na vimanga 14,000, na tumelo, 6,000, na vingombe vakulimisa 2,000, na vimulu 1,000.

Myaso 119:3

Vanu vaje kuvesi kulinga mwamuvi, oloni vayoya mukwononoka Shukulu Kalunga.

Myaso 149:4

Shukulu Kalunga avwaelela ali vanu vendi, asingimika vaka-kulikeesa nakuvahyanesa.

Myaso 16:11

Unanjimwesa ngila itwala ku mwonyo, co njivwaelela kukala kuyehi nove, simbu yoshe njivwaelela akunyunga kwove.

Visimo 1:33

Oloni woshe uje atolilila kuli yange, akakala mu kwoloka. Ikeye akakala mwamuvwa, nacimo cai cikamuzivisa lyova.”

Isaya 1:19

Nga mukanjononoka, co mukalya vyuma vyavivwa vije vikamena mu lifuti.

Njelemiya 26:13

Munapande kutenguluka kutunda ku vingila vyeni vyavivi, na ku vyuma vimulinakulinga, co munapande kwononoka Shukulu Kalunga Njambi yeni. Nga mulingamo, co akatengulula viyongola vyendi vyakuminyongesa vije vyendekele ngwendi akavinena ali yeni.

Njelemiya 7:23

Oloni njavashikile lika ngwange nga vanjononoka, yange njikapwa nji Njambi yavo, na vakevo vapwe vanu vange, co vyuma vyoshe vikakala mwamuvwa kuli vakevo.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

Kwituluka mu Mashiko 4:30

Omo mukamona tuyando na vyoshe vije vikasholoka kuli yeni, asinoni akukotoka mukatengulukila kuli Shukulu Kalunga Njambi yeni nakumwononoka.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

VaHevelu 11:8

Akukulaela, Avilahama wononokele Njambi omo wamusanene, co watundile mu lifuti lyendi waile ku lifuti lije lyamukulaesele Njambi. Wasezele lifuti lyendi oloni kazivukile kuje kwaile.

Yakomba 5:5

Kuyoya kweni kwa ano asi kunapu kwa mbwase nakuvwaelela. Munalinunisa yeni vavenya ku litangwa lyakumitsiya.

Kujombolola 18:7

Mumweseni manene n̄avava na tuyando ngwe muje mwalyanene ikeye vavenya vumpau nakujolelala. Omwo alinakulyendekesa ikeye vavenya ngwendi, ‘Njinatumbama ngwe nji vamwene! Kesi nji fwile embwe, kunjikazivi vusiwa!’