Yombi 36:10 - Livulu lya Shukulu Kalunga

¹⁰ Ikeye ashokolola matwi avo, ngeci vazive vilongesa nakuvashika ngeci vatunde ku vuvi vwavo.

Yombi 36:10 Iomraidhean Croise

2 Vimyene 17:13

Shukulu Kalunga watumine miluwa vendi na vaka-kwimanena kunangula Isalele na Yunda ngwendi, “Sezeni vingila vyeni vyavivi, ononokeni vizilika vyange vije vili mu Mashiko aje njanene kuli vakukulwila veni aje njaanene kuli yeni ali vangamba vange vaka-kwimanena.”

Yombi 36:15

Oloni Njambi alongesa vanu omo vali mu tuyando, apangesa mapakeso ngeci ashokolole mesho avo.

Yombi 36:21

Nyanyama kesi utengulukile ku vuvi embwe, omwo tuyando twove vatutumine ngeci utunde kutuketwo.

Myaso 40:6

Yove kuushaka kukukombelela vin̄ombelo, yove kuwesi kulomba tusitu twamutunu twa kwenyeka a mutula, nambe vin̄ombelo vya a vuvi. Oloni unanjana matwi akukuziva,

Isaya 48:17

Njambi wakujela wa Isalele, Shukulu Kalunga muka-kumyamena alinakwendeka ngwendi, “Yange Kalunga Njambi yeni, uje amilongesa vyuma vyavivwa, nakumitwamenena mu ngila yaivwa muje mumunapande kuya.

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Isaya 50:5

Shukulu Kalunga nashokolola matwi ange ngeci njizive, co kunjamutengulukilile nambe kutunda kuli ikeye.

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Yona 3:8

Vanu voshe vanapande kuzala vikeleya, co vimuna navo lalo vavafwike vikeleya. Munu woshe napande kulombela na kulongwa kuli Njambi, nakwecela vingila vyendi vyavivi na kupenga-penga kwendi.

Zefaniya 3:7

Co njayongwele ngwange amo vanu vange vakasa kunjikomoka nakutava kunangula kwange, ngeci kesi vakevale vilongesa vije vinjavalongesele. Oloni vwasi-vwasi vonwele kulisingimika, co valingile vyuma vyavivi manene kutuvakana muje mwalaja.”

Mateo 3:8

Lingeni vyuma vije vimwesa ngeci munatenguluka ku vivi vyeni.

Vilinga vya Miluwa 16:14

Umo wavo watuzivile wapwile Lindiya watundile ku Tiyatila, wapwile muka-kulandesa vinanga vyavivwa vyakuvenguluka. Wapwile munakazi muka-kulemesa Njambi, co Mwene washokolwele mbunge yendi kutolilila ku vije vyakele nakwendeka Paulu.

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!