Yombi 35:10 - Livulu lya Shukulu Kalunga

¹⁰ Oloni kuvesi kutengulukila kuli Njambi, Ishamatanga wavo uje muka-kuvana cinyangavili mu simbu yavo ya vukalu.

Yombi 35:10 Iomraidhean Croise

Yombi 21:14

“Vaka-vuvi valinakuleka Njambi ngeci avaseze avo lika, vakevo kuvashaka kuzivuka cizango cendi mukuyoya kwavo.

Yombi 27:10

Kuma vakavwaelela muli Muka-nzili yoshe? Kuma vakatambekela kuli Njambi visimbu vyoshe ndi?

Yombi 32:22

Yange kunjizivuka kushangala, nga njilingamo, co vwasi-vwasi Njambi akanjihisa.

Yombi 36:13

“Co vaje vaka-vuvi vakatwalao kuviilila, nameme omo vavahisa kuvashaka kulomba ngeci vavakwase.

Yombi 36:3

Kuzivuka kwange cinatuvakana, njipangesa vije njizivuka, mukumwesa ngeci Njambi, Ishamatanga wange wapwa wa vushunga.

Yombi 4:17

‘Munu asa kupwa wakushungama ku mesho a Njambi, nambe kupwa wakujela ku mesho a Ishamatanga wendi?

Yombi 8:21

Ikeye akakulingisa ngeci ujolele, nakutambakana mukujolela,

Myaso 119:62

Akati ka vutsiki njiinduka nakukushangazala, omwo mashiko ove apwa a vushunga.

Myaso 149:5

Vanu va Njambi vavwaelele nakulisamba, vaimbe nakujolela vutsiki vwoshe.

Myaso 42:8

Shukulu Kalunga amwese cizemo cendi cije kucesi kutenguluka ku mutanya, co njimwimbila mwaso ku vutsiki, kupwa lilombelo lya kuli Njambi yange wa mwonyo.

Myaso 77:6

Njanukile myaso ku vutsiki, evi vikevyo njalyendekesele mu mbunge yange ngwange,

Muka-kwambulula 12:1

Anuka Ishamatanga wove simbu ucili mukwenje, omo kanda matangwa a tuyando ete, na myaka ya tuyando yete omo ukendeka ngwove, “Kunjawanenemo kujolela mu mwonyo wange.”

Isaya 51:13

Kuma munevala Shukulu Kalunga uje wamitangele, uje wajangumwine melu, nakujala luvula lwa asi ndi? Omwo vikajo mukela na lyova lya vaje vamiluvalela nakumishaula simbu yoshe, vaje vashaka kuminyongesa? Vukalu vwavo kuvwasa kuminyongesa embwe.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 8:21

Vanu vakendangana mu lifuti vakamona kukaluwa na njala. Omo vakaziva njala na vukalu, co vakasinga mwene yavo na Njambi yavo. Vakakenga mwilu,

Njelemiya 2:6

Vakukulwila veni kuvanjumbile mbunge, nameme njavamenene kuvatundisa mu Ingito nakuvatwamenena mu mambo, mu lifuti lyakuma na lishen̄avu, lifuti lyakuma lya vushonde muje naumo wai wakelemo, nambe kwendamo.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Vilinga vya Miluwa 16:25

Oloni mukati ka vutsiki Paulu na Silasi vakele nakulombela nakwimba myaso kuli Njambi, co vaje vinzinda vakele mu kamenga vavatolililile.

1 Petulu 4:19

Ngecivene, vaje valinakuyanda ngwe ku cizango ca Njambi, a vilinga vyavo vyavivwa vanapande kulyana kuli Ishamatanga wavo, uje simbu yoshe akanyungu cikulaeso cendi.