Yombi 34:19 - Livulu lya Shukulu Kalunga

¹⁹ Ikeye kakemanena ku mutambela wa vaka-kushwana lika embwe, nambe kushangala vaka-kufuka ali vaka-kuutwa embwe, omwo voshe ikeye wavatangele.

Yombi 34:19 Iomraidhean Croise

2 Mizimbu 19:7

Singimikeni Shukulu Kalunga, sompeni mwamuvwa, omwo Shukulu Kalunga Njambi yetu kesi kutava makuli, nambe civembulu, nambe kutambula lizika-kanwa.”

Yombi 10:3

Kuma mwamuvwa kuli yove kuyandesa nakuyeluwisa vije watangele yove vavenya ndi? Nakujolela viyongola vya vanu vaka-vuvi?

Yombi 12:19

ikeye ononwesa vaka-kukombelela, co awisa vaka-nzili.

Yombi 12:21

Ikeye akazivisa shwamwa vanu vaje valinakushwana, nakumanesa nzili ya vaka-kushwana.

Yombi 13:10

Nameme kusompa kweni kunapu kwa mu vushweke, oloni ikeye akamyendekelako,

Yombi 13:8

Yeni mukamwimanena ndi? Kuma mukasompela mulonga wendi ku mbanja ndi?

Yombi 31:15

Njambi uje vene wanjitangele, ikeye lalo watangele vangamba vange.

Yombi 32:21

Yange kunjikakenge ku muvila wa munu, nambe kushangala munu embwe.

Yombi 34:18

Njambi akahisa vimyene na vaka-kushwana, omo vatenguluka na kupwa vangoco nambe vaka-vuvi.

Yombi 36:19

Kuma kulila kwove kukwamena ku tuyando ndi? Nzili yove yoshe kuyasa kukukwasa ololo.

Kutuuka 30:15

Fuki kakalambula vimbongo vyavingi nambe kautu kakalambula vimbongo vyavindondo, omo valambula vimbongo mukwambesa myonyo yavo.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 22:2

Muka-kufuka na kautu voshe vanafu mumolika, Shukulu Kalunga ikeye wavatangele.

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

VaLevi 19:15

“Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga.

Vilinga vya Miluwa 10:34

Co Petulu washangumukile kwendeka ngwendi, “Mwa vushunga vene njinamono ngwange Njambi kesi na kahangu.

Loma 2:11

Omwo Njambi akahisi munu woshe na seteko imo.

1 Kolinte 1:28

Ikeye waangwile vije vivashawile vaka-kaye nakuviyeluwisa nakuviyongola ngeci vinapu vyangoco, ngeci anyongese vije vivayongola vaka-kaye ngwavo vinapu vya vulemu.

Ngalatiya 2:6

Oloni vaje vasholokele ngwe vantwama, njendeka evi omwo kuli yange kuvyalitepesele, Njambi kesi kusompa ku munu cifwa ca anja, vaje vantwama, njendeka ngwange, kuli yange kuvanjanene viyongola vyeka vyaviha vyai.

Efeso 6:9

Eni vashukulu vavo, lingeni lalo cifwa cimo kuli vindungo veni, co kesi muvashungwiye. Anukeni ngweni yeni na vindungo veni muvavoshe mwakundama kuli Shukulu umolika ali mwilu, uje asompa munu na munu mu cifwa cimolika.

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

Kolose 3:25

Co voshe vaka-kulinga vyavivi vakavafweta ku vyuma vyavivi vije valinakulinga, omwo Njambi akasompa munu na munu mu cifwa cimolika.

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.