Yombi 33:27 - Livulu lya Shukulu Kalunga

²⁷ Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Yombi 33:27 Iomraidhean Croise

Kushangumuka 16:13

Hangale walyendekesele ikeye vavenya ngwendi, “Mwa vushunga njinamono Njambi oku njiciyoya!” Ngecivene, Hangale watumbwile Shukulu Kalunga uje wendekele kuli ikeye ngwendi, “Ou napu Njambi Muka-kumona.”

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

Yombi 34:32

Unehula Njambi kukumwesa milonga yove? Co unatava kulikela kulinga vuvi ndi?

Yombi 34:9

Omwo nendeka ngeci ngwendi nacimo cai cikwasa munu kuvwaelela muli Njambi.

Yombi 7:20

Nga njinalingi vuvi, vikajo njikalinga kuli yove? Yove muka-kunyunga vanu nakuvakenga. Omwo vikajo unanjipangesa mu vipangi a seteko iwunamanga? Kuma yange njinapu citele cakama kuli yove ndi?

Myaso 103:10

Ikeye kesi kutuhisa ngwe ku vuvi vwetu embwe, nambe kutwilwisila vuvi vwetu ngwe ku milonga yetu.

Myaso 11:4

Shukulu Kalunga ali mu Njuvo yendi yakujela, ikeye ali a litanda lyendi mwilu. Mesho endi alinakukenga a vanu voshe, azivuka vije valinakulinga.

Myaso 119:128

Njikakava vilongesa vyove vyoshe, oloni njazinda vingila vyoshe vya kupenga-penga.

Myaso 14:2

Shukulu Kalunga ali mwilu akenga ali vanu va ano asi ngeci amone nga kuli umo uje ali na mana, nambe nga kuli umo amulemesa.

Visimo 15:3

Mesho a Shukulu Kalunga ali kwoshe-ikwoshe. Ikeye alinakukenga ali vaka-vuvi, na ali vaka-vushunga.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Visimo 5:21

Shukulu Kalunga amona vyuma vyoshe vije viwulinga. Kwoshe kuje kuuya, alinakukumona.

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Ezekiyele 14:23

asinoni mukazivuke ngeci kuma cihiso cange ali vakevo capwile ca vushunga.” Mwanendeka Shukulu Kalunga wa Akamwa ya Vyoshe.

Kulava 12:11

Co wendekele kuli Mosesa ngwendi, “Mwane shukulu yange, kesi utuhise omwo tunalingi vya vulema nomu lalo tunalingi vuvi.

Mateo 16:26

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi.

Luka 18:13

Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, ‘Njambi, njizivileko mema ku mbunge yange muka-vuvi!’

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!

Loma 7:16

Omo nga njilinga vije kunjashakele kulinga, eci cimwesa ngeci njatava ngwange Lishiko linapu lya vushunga.

Loma 7:22

Omwo njivwaelela mu Lishiko lya Njambi mukati ka muvila wange.