Yombi 31:7 - Livulu lya Shukulu Kalunga

⁷ Nga njatundu mu ngila ya vushunga, nambe njilikokweya yange vavenya kuya ku vuvi, nga mavoko ange ali na mazilo a vuvi,

Yombi 31:7 Iomraidhean Croise

Yombi 16:17

oloni yange kunjesi na mulonga nambe lwozi lwai, co lilombelo lyange linapu lyakujela kuli Njambi.

Yombi 17:9

Vaje valitumbula kupwa vaka-vulemu, vanavetesa kupwa vaka-vushunga.

Yombi 23:11

Lindi lyange linalyata mbe mu myanja yendi, njinende mu ngila yendi nakutundamo kwai.

Yombi 27:5

Co kunjikendeka ngwange yeni munendeka mwa vushunga, omo njicili nakuyoya njikakolesa nakwendeka ngwange yange kunjesi na mulonga.

Yombi 27:6

Njikakateya mu vushunga vwange, co kunjikavwecela, simbu yoshe injiyoya mbunge yange kuyikanjivayesa.

Yombi 9:30

Kukwesi njapau yasa kutundisa vuvi vwange.

Myaso 101:3

Kunjikalingi cuma cacivi, njizinda vilinga vya vaka-kujeneka kukulaela kuli Njambi, kunjikombuko mbunge kuli vakevo embwe.

Myaso 7:4

nambe kuzivila citozi cange mema ku mbunge, nga njinalingi vyuma evi,

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Isaya 33:15

Mukasalao nga mwendeka nakulinga vije vya vushunga. Kesi mupangese nzili yeni na kunyanyamena tuutu, co kesi mutambule lizika-kanwa. Kesi mulipandakane na vaje vatumba matumbe akutsiya nambe kulinga vyuma vya vuvi.

Ezekiyele 14:3

“Muna munu, ava vanu vanaaka vimbunge vyavo ku tumponya, co vanecelela tumponya kuvatwamenena mu vuvi. Kuma vanayongola ngwavo yange njikavakumbulula ndi?

Ezekiyele 14:7

“Simbu yoshe omo umo wa vaIsalele nambe umo wa vaka-kwija uje alinakukala mu munga ya vaIsalele atunda kuli yange nakulemesa tumponya, co aya nakwihula kuli muka-kwimanena, co yange Kalunga njikamukumbulula!

Ezekiyele 6:9

kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

Kulava 15:39

Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.

Mateo 5:29

Nga lisho lyove lya cilyo likutanukisa kulinga vuvi, licakuvulemo ulyumbile kuti! Mwamuvwa kuli yove cilyo cove cimo kunyonga kutuvakana vombile muvila wove woshe mu mbulu ya tuhya.