Yombi 31:4 - Livulu lya Shukulu Kalunga

⁴ Njambi azivuka vyuma vyoshe vinjikalingi, co akalava manambo ange oshe.

Yombi 31:4 Iomraidhean Croise

Kushangumuka 16:13

Hangale walyendekesele ikeye vavenya ngwendi, “Mwa vushunga njinamono Njambi oku njiciyoya!” Ngecivene, Hangale watumbwile Shukulu Kalunga uje wendekele kuli ikeye ngwendi, “Ou napu Njambi Muka-kumona.”

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

Yombi 11:11

Njambi azivuka vanu vaje vanapu vangoco, ikeye amona vilinga vyavo vyoshe vyavivi.

Yombi 14:16

Asinoni ukalava manambo ange, oloni kuukalandula vivi vyange.

Yombi 23:10

Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Yombi 24:23

Njambi amutava ngeci ayoye mwamuvwa, oloni simbu yoshe alinakukenga lisho ali ikeye.

Yombi 28:24

Omwo ikeye muka-kumona ahwila kaye, akamono vyuma vyoshe vili mwisi ya lilu.

Yombi 31:37

Nga njaleka Njambi vyuma vyoshe vinjalingi, nakwenda nakundikangela ku mesho endi.

Yombi 34:21

Mesho endi alinakukenga mu vingila vya vanu.

Yombi 36:7

Ikeye muka-kunyunga vaje vaka-vushunga, akavatavesa, kushwana ngwe vimyene, nakuvatava ngeci vavasingimike ku myaka yoshe.

Myaso 44:21

mwa vushunga ngwe kuwavisholwele ndi? Omwo yove uzivuka viyongola vyakushweka vya mu vimbunge.

Visimo 15:3

Mesho a Shukulu Kalunga ali kwoshe-ikwoshe. Ikeye alinakukenga ali vaka-vuvi, na ali vaka-vushunga.

Visimo 5:21

Shukulu Kalunga amona vyuma vyoshe vije viwulinga. Kwoshe kuje kuuya, alinakukumona.

Njelemiya 16:17

Njamono vyoshe vivalinakulinga. Cuma nacimo cai cakuvanda kuli yange, vuvi vwavo kuvwavandele ku mesho ange.

Njelemiya 32:19

Ukatumbu matumbe akujeneka mana, nakulinga vyuma vya nzili, ukamono vyuma vyoshe vije vivalinga vanu, co ukavana cikandelela kupwisa ngwe ku vilinga vyavo.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Yowano 1:48

Natanele wamwihwile ngwendi, “Unanjizivuka vati?” Yesu wamukumbulwile ngwendi, “Njakumwene mwisi ya muti wa mukuyu simbu kanda Filipu akusane.”

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.