Yombi 31:26 - Livulu lya Shukulu Kalunga

²⁶ Yange kunjalemesele litangwa, mukuvyazima kwalyo, nambe ngonde mu vuvwa vwayo vwoshe.

Yombi 31:26 Iomraidhean Croise

2 Vimyene 23:11

Co watundisile lalo tuvalu tuje tuvakundikile vimyene va mu Yunda mukulemesa litangwa, co wenyekele matemba aje avapangesele mukulemesa. (Evi vavinyungilile mu mwela wa mbanja, kuyehi na cikolo ca Njuvo ya Shukulu Kalunga, kuyehi na kuje kwakele mwata wakama Natane Meleke.)

2 Vimyene 23:5

Co watundisile vaka-kukombelela vaje vavemikile vimyene va mu Yunda kukombelela vin̄ombelo a mitula ya vaka-kujeneka kukulaela mu vinganda vya Yunda na mitambela kuyehi na Yelusalema, na vaka-kukombelela voshe vaje vakombelelele vin̄ombelo kuli Mbale na ku litangwa na ku ngonde na ku vimbunga vya mwilu, na ku vingongonosi.

Yombi 25:5

Ngonde kuyasa kutwa ceke cakuvyazima, ku mesho a Njambi, nameme vingongonosi kuvyasa kupwa vyakujela embwe.

Yombi 31:27

Kuvyanjungumwisile kunjitwala kweka mukuvilemesa, nakutsemba livoko lyange nakuvisingimika.

Myaso ya Solomoni 6:10

Iyajo ou wa mesho ngwe ceke ca mutondo? Ou wamuvwa ngwe ngonde? Wakuvyazima ngwe litangwa? Uje wakujajesa ngwe mashwalale venda na vipandelo?

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Njelemiya 8:2

Kuvakavikungulula nakuvitsinda, oloni vitsiya vyavo vikafwa ngwe vwilo. Vakavishanda a litanya, na ngonde, na vingongonosi, vije vivazemene nakuvipangela, nakuvilemesa.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Kwituluka mu Mashiko 11:16

Nyanyameni kutewa vimbunge vyeni vikongumukila kweka kutunda kuli Shukulu Kalunga mukulemesa nakupangela vinjambi veka.

Kwituluka mu Mashiko 17:3

akulemesa nakupangela vinjambi veka, nambe kulemesa litangwa, nambe ngonde, nambe vingongonosi, vije vyanavindika Shukulu Kalunga,

Kwituluka mu Mashiko 4:19

Linyungeni kutewa mukawila mu ceseko cakulemesa nakupangesa vije mumona mwilu, litangwa, na ngonde, na vingongonosi. Shukulu Kalunga Njambi yeni navyaana vanu voshe veka vali ano asi ngeci vavilemese.