Yombi 30:25 - Livulu lya Shukulu Kalunga

²⁵ Kuma yange kunjalilisile vanu vaje vakele mu tuyando? Nambe kuzivila mema ku mbunge vanu vaje vanajeneka ndi?

Yombi 30:25 Iomraidhean Croise

Yombi 24:4

Vakavindika tuutu kesi vakale na vyavo vije vyavapande, nakusindikiya vaje vanajeneka ngeci vatewe nakuvanda.

Yombi 29:12

Omo tuutu vatambekele, co njavakwasele, co njakwasele visiwa vaje kuvakele noku kuvakundamene.

Yombi 29:16

Njapwile ngwe nji ishe ya tuutu, co njakwasele vangenzi vaje vakele mu tuyando.

Yombi 31:31

Vanu voshe vaje vakapanga kuli yange, vazivuka ngeci yange simbu yoshe njikatambula vangenzi.

Myaso 12:1

Yove Shukulu Kalunga, tukwase omwo kukwesi vanu va vushunga lalo vanasalao, co kutwasa kuwana lalo vanu va kulongwa.

Visimo 14:21

Nga ushaka vivezikiso, kala na ngozi kuli muka-kuutwa, capwa vuvi kuyeluwisa vakweni.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 17:5

Uje ashendumuna tuutu alinakushaula Njambi uje wavatangele, uje avwaelela a tuyando twa vakwavo vakamuhisa.

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Visimo 28:8

Uje awezelela vufuko vwendi na kakondweso, nakutambula vya munu mu ngila yalinyanyamena, co vufuko vwove vukaya kuli uje ali na ngozi na tuutu.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 18:20

Kuma mwamuvwa kwilwisila vuvi ku vuvwa ndi? Oloni vananjindila mbulu ngeci njiwilemo. Anuka muje munjemanene ku mesho ove nakuvemanena ngeci kesi uvanyanyamese.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Luka 19:41

Yesu wetele kuyehi na nganda, co omo waimwene, walilile manene

Yowano 11:35

Yesu walilile.

Loma 12:15

Vwaeleleni na vaje valinakuvwaelela, lileni na vaje valinakulila.

2 Kolinte 9:9

Ngwe muvyendeka visoneka ngwavyo, “Aana vyuma vyendi kuli vaje vanajeneka na mbunge yendi yoshe, kutetela kwendi kwapwa kwa ku myaka yoshe.”