Yombi 24:23 - Livulu lya Shukulu Kalunga

²³ Njambi amutava ngeci ayoye mwamuvwa, oloni simbu yoshe alinakukenga lisho ali ikeye.

Yombi 24:23 Iomraidhean Croise

Yombi 10:4

Kuma yove uli na mesho a vusitu? Indi ukamono ngwe muvakamono vanu?

Yombi 11:11

Njambi azivuka vanu vaje vanapu vangoco, ikeye amona vilinga vyavo vyoshe vyavivi.

Yombi 12:6

Oloni vezi na vaka-vuvi valinakuyoya mu kwoloka, nameme nzili yavo vavenya, ikeyo vapwisa njambi yavo.

Yombi 31:4

Njambi azivuka vyuma vyoshe vinjikalingi, co akalava manambo ange oshe.

Yombi 34:21

Mesho endi alinakukenga mu vingila vya vanu.

Myaso 10:5

Muka-vuvi avezika mu vyuma vyoshe vije vyalinakulinga. Kasa kuzivisisa kusompa kwa Njambi, co lalo apopolola vitozi vendi.

Myaso 119:168

Njononoka mashiko ove na vizilika vyove, omwo yove uzivuka vyoshe vije vinjikalingi.

Visimo 15:3

Mesho a Shukulu Kalunga ali kwoshe-ikwoshe. Ikeye alinakukenga ali vaka-vuvi, na ali vaka-vushunga.

Visimo 5:21

Shukulu Kalunga amona vyuma vyoshe vije viwulinga. Kwoshe kuje kuuya, alinakukumona.

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Muka-kwambulula 8:11

Omwo vikajo vanu vakalingi milonga yaingi? Omwo kuvesi kuhisa milonga vwasi.

Isaya 56:12

Vendeka ku umo na mukwavo ngwavo, ‘Twambateni vinyu tunwe ngwe mutunashakela! Co imene tukalinga lalo ngwe mutuli nakulinga lelo!’ ”

Amose 8:7

Shukulu Kalunga Njambi ya Isalele, nalisingi ngwendi, “Kunjikevala vilinga vyavo vya vuvi.

Amose 9:2

Nameme nga vakainda vingila vyavo kwisi ya livu mu vukalo vwa vatsi, anga njikavawana. Nameme nga vakalonda mwilu, anga njikavashulwisamo nakuvanena ano asi.

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

Luka 12:45

Oloni nga ikeye napu ngamba wamuvi endeka mu mbunge yendi ngwendi shukulu kaija vwasi, co ashangumuka kupupanga vakwavo vangamba va vanalume na ava va vanakazi, co alya nakunwa nakupenda,

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.