Yombi 23:13 - Livulu lya Shukulu Kalunga

¹³ “Ikeye kesi kutenguluka. Co naumo wai asa kumuyeluwisa, nambe kumuvindika vije vyashaka kulinga.

Yombi 23:13 Iomraidhean Croise

Yombi 10:13

Oloni ololo njazivuka ngeci visimbu vyoshe vije wakele na vutumbe vwa mu vushweke vwakunjivulumuna.

Yombi 10:7

Nameme uzivuka ngeci kunjesi na mulonga, ngeci naumo wai asa kunjamena ku livoko lyove.

Yombi 11:10

Nga Njambi akukwata nakukusompa, iyajo asa kumuvindika?

Yombi 12:14

Omo Njambi asiwula, iya asa kutungulula? Co iyajo asa kushokolola munu uje yanashokela Njambi mu kamenga?

Yombi 23:12

Simbu yoshe njikalingi vije Njambi avishika, co njikalingi cizango cendi, kesi cizango cange embwe.

Yombi 23:14

Ikeye akashulisa vutumbe vuje watumbile ali yange, vutumbe vuje vunapu vumo vwa matumbe amangi aje alinawo,

Yombi 34:29

“Nga Njambi ayongola kulinga cuma, co naumo wai asa kumupopolola. Nga ashweka cihanga cendi, co vanu vapwa vangoco.

Myaso 115:3

Njambi yetu ali mwilu, akalingi vyoshe vije ashaka.

Myaso 135:6

Shukulu Kalunga akalingi vyoshe vije ashaka mwilu na ano asi, mu mema a kalunga na mu vinzinga vyoshe.

Visimo 19:21

Yetu vanu tukatumbu matumbe amangi, oloni Shukulu Kalunga lika ikeye alinga vije vyanayongola.

Muka-kwambulula 1:15

Kuwasa kushungamesa cuma cije ca kupenga-penga, co lalo kuwasa kulava vyuma vije kuvyesiko.

Muka-kwambulula 3:14

Njinazivuka ngeci vyuma vyoshe vije vyakalingi Njambi vikakala ku myaka yoshe. Nacimo cai vakaakelako nameme kutundisako. Njambi nalingi vyuma evi ngeci vanu vamukomoke.

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Isaya 46:11

Njinasana munu kutunda mu ngangela, akukukwavula ngwe kambembe, co akamanesa vije vinjayongwele. Njinendeka, co vikalingiwa.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Loma 9:19

Oloni umo weni endeka kuli yange ngwendi, “Nga cinapu ngacije, co Njambi asa kuwana vati mulonga wa munu na munu? Iyajo asa kukanangana cizango ca Njambi?”

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.