Yombi 23:12 - Livulu lya Shukulu Kalunga

¹² Simbu yoshe njikalingi vije Njambi avishika, co njikalingi cizango cendi, kesi cizango cange embwe.

Yombi 23:12 Iomraidhean Croise

Yombi 15:11

“Kuzembeleka kwa Njambi, kuma cinapu cacindondo kuli yove? Majwi etu kuli yove apwile majwi a njozi.

Yombi 22:22

Tambula vilongesa vitunda mu kanwa kendi, co nyunga majwi endi mu mbunge yove.

Yombi 23:13

“Ikeye kesi kutenguluka. Co naumo wai asa kumuyeluwisa, nambe kumuvindika vije vyashaka kulinga.

Yombi 33:9

‘Yange njinajele, kunjesi na mulonga. Kumwesi vuvi muli yange.

Yombi 6:10

Nga njazivukile ngeci alingamo, nga njajolela nakundikangela, nameme kuvinjoka kwange kunapu kwakama manene. Njazivuka ngeci Njambi wapwa wakujela, yange kunjavyanene vije vyakashiki.

Myaso 119:103

Majwi ove apwelelela mu kanwa kange, apwelelela manene kutuvakana ngenga ya vuki!

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 119:127

Yange njazema mashiko ove kutuvakana ngolinde, kutuvakana ngolinde yaivwa.

Myaso 33:11

Oloni mana a Shukulu Kalunga akala ku myaka yoshe, viyongola vya mu mbunge yendi vyakala ku myaka yoshe.

Visimo 30:8

Njitundise makuli, ngeci kesi njipwe muka-kufuka, nambe kupwa muka-kuutwa, njane vyakulya vije vinanjipande.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 12:46

asinoni shukulu yendi akaija litangwa limo a simbu ije kayongwele ngwendi ikeyo yakeluka. Co shukulu yendi akamumbila anja, co akaya ku cihiso amo na vaka-kujeneka kukulaela.

Yowano 4:32

Oloni ikeye wavakumbulwile ngwendi, “Njili na vyakulya vije kumuzivuka.”

Yowano 4:34

Yesu wendekele kuli vakevo ngwendi, “Vyakulya vyange vinapu kwononoka cizango ca uje wanjitumine nakumanesa vipangi vyanjanene ngeci njivilinge.

Yowano 8:31

Ngecivene, Yesu wendekele kuli vaje vamukulaelele ngwendi, “Nga mwononoka vilongesa vyange, mwa vushunga munapu mu vandongisi vange,

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.