Yombi 23:10 - Livulu lya Shukulu Kalunga

¹⁰ Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Yombi 23:10 Iomraidhean Croise

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

2 Samwele 22:22

Njinononoka lishiko lya Shukulu Kalunga, co kunjakengesele nima Njambi yange.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Yombi 10:7

Nameme uzivuka ngeci kunjesi na mulonga, ngeci naumo wai asa kunjamena ku livoko lyove.

Yombi 23:7

Yange nji wa kulongwa, njasa kusimutwiya na Njambi, anjikumbulula ngeci yange kunjesi na mulonga ku vyoshe.

Yombi 23:9

Njambi nakala nakupanga ku kunto na mu mbwela, oloni anga kunjamumwene.

Yombi 31:4

Njambi azivuka vyuma vyoshe vinjikalingi, co akalava manambo ange oshe.

Yombi 31:6

Njambi anjipeselese a cipeseleso cacivwa, amone ngeci nga njili na mulonga.

Yombi 33:9

‘Yange njinajele, kunjesi na mulonga. Kumwesi vuvi muli yange.

Yombi 6:29

Yongoleni lalo a vije mulinakwendeka, kengeni ngeci kunjalingile mwamuvi.

Yombi 7:18

Yove u muka-kumwindwisa a mutondo na mutondo, co ukamwilula a kasimbu na kasimbu.

Myaso 1:6

Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.

Myaso 11:5

Ikeye alinakwilula vaka-vushunga na vaka-vuvi, oloni wazinda vaka-kapopolwezi na mbunge yendi yoshe.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 66:10

Unatwilula yove Njambi, co unatweseka ngwe muvakeseka siliva mu tuhya.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Visimo 17:3

Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

1 Kolinte 3:15

Oloni nga vipangi vyove vikenya, co nacimo cai ukatambula, oloni yove vavenya ni ukovoka, ngwe unaputumuka mu tuhya.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 11:17

Akukulaela, Avilahama waanene munendi Isake kupwa n̄ombelo, omo Njambi wamwesekele. Kuli Avilahama lika Njambi walingile cikulaeso, nameme ngoco, walivwaeselele cimweja kwana munendi umolika kupwa n̄ombelo.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

1 Petulu 1:7

Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.