Yombi 22:29 - Livulu lya Shukulu Kalunga

²⁹ Njambi akakeesa vaka-kulyalesa, co akaamesa vaka-kulilumbilisa.

Yombi 22:29 Iomraidhean Croise

Yombi 36:7

Ikeye muka-kunyunga vaje vaka-vushunga, akavatavesa, kushwana ngwe vimyene, nakuvatava ngeci vavasingimike ku myaka yoshe.

Yombi 5:11

Eyo, Njambi ikeye muka-kujundula vaka-kulikeesa, nakwana kujolela kuli vaje voshe valila.

Myaso 138:6

Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Mateo 23:12

Woshe alyamesa ikeye vavenya, vakamupwisa wamundondo, co woshe alikeesa ikeye vavenya vakamwamesa.

Luka 1:52

Natundisa vimyene vakama a matanda avo, co naaka vaje vavandondo ku vukama.

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”