Yombi 22:27 - Livulu lya Shukulu Kalunga

²⁷ Omo ulombela, co ikeye akakukumbulula, co ukanyunga cisingo ciwalisingile.

Yombi 22:27 Iomraidhean Croise

2 Vimyene 13:4

Asinoni Njehoahaze walombelele kuli Shukulu Kalunga, co Shukulu Kalunga, omwo wamwene vukalu vwa mwene wa ku Silya omo wakele nakuyandesa vaIsalele, co wakumbulwile lilombelo lyendi.

1 Mizimbu 4:10

Co Njaveze walombelele kuli Njambi ya Isalele ngwendi, “Njivezikise, Njambi, kunjana lifuti lyakama. Kala nange, co njinyunge ku vuvi vuje vwasa kunjiyandesa.” Co Njambi wamwanene vije vyalombele.

2 Mizimbu 33:13

Co Njambi watavele lilombelo lya Manase, wamutavele eluke lalo ku Yelusalema nakushwana. Co aje vene Manase wazivukile ngeci kuma Shukulu Kalunga ikeye Njambi.

Yombi 11:13

“Yombi, kundika mbunge yove kuli Njambi. Co olwela mavoko ove kuli ikeye.

Yombi 27:10

Kuma vakavwaelela muli Muka-nzili yoshe? Kuma vakatambekela kuli Njambi visimbu vyoshe ndi?

Yombi 33:26

Omo alombela kuli Njambi, co Njambi amumwesa ngozi, co akalemesa Njambi nakujolela, co Njambi akamulingila vyuma vyavivwa lalo.

Yombi 34:28

Vasindiiye tuutu kulilila kuli Njambi, co Njambi wazivile mutambi wavo wakuvakwasa.

Yombi 8:6

nga unapu uwamuvwa nakujela, asinoni Njambi akaija nakukukwasa, nakukwilwisila lalo naanga yove kupwa vwana vwove.

Myaso 116:1

Njizema Shukulu Kalunga, omwo nazivi malombelo ange.

Myaso 116:14

Mu cikungulukilo ca vanu vendi voshe, njikamwana vije njamukulaesele.

Myaso 56:12

Njikakwana vije vinjakukulaesele yove Njambi, njikakwana n̄ombelo yange ya cikandelela,

Myaso 61:5

Yove Njambi wazivile vikulaeso vyange, co unanjivezikisa ngeci muje ukavezikisa vaje vakulemesa.

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Muka-kwambulula 5:4

Omwo ulisinga cisingo kuli Njambi, kesi wishwale kucilinga. Njambi kesi kuvwaelela na vilema. Linga vije unamukulaesa.

Isaya 58:9

Omo mulombela kuli yange, co njikamikumbulula ngwange, ‘Yange uno.’ “Kesi muyandese vanu, nambe kuvashaula mu cifwa coshe-icoshe, nambe kwendeka lijwi lyoshe lyalivi,

Njelemiya 29:12

Asinoni mukatambeka kuli yange. Co mukaija nakulomba kuli yange, njikamikumbulula.

Yona 2:9

Oloni yange njikaimba nakukwalesa, nakukombelela n̄ombelo kuli yove, nakulinga vije njalikumiiye. Kwamena kwatunda kuli Shukulu Kalunga!”

Kwituluka mu Mashiko 23:21

“Omo mukalisinga cisingo kuli Shukulu Kalunga Njambi yeni, kesi mukeshwale kulinga vije mwakulaesele, omwo Shukulu Kalunga Njambi yeni ashaka yeni mushulise cisingo ceni. Kujeneka kushulisa cisingo kunapu vuvi.