Yombi 21:14 - Livulu lya Shukulu Kalunga

¹⁴ “Vaka-vuvi valinakuleka Njambi ngeci avaseze avo lika, vakevo kuvashaka kuzivuka cizango cendi mukuyoya kwavo.

Yombi 21:14 Iomraidhean Croise

Yombi 22:17

Ava vakevo vanu vaje vavyanene Njambi, co vakulaelele ngeci ikeye nacimo cai asa kuvalinga.

Yombi 34:27

omwo vanalikela kumukava, nakuvyana lalo mashiko endi oshe.

Yombi 35:10

Oloni kuvesi kutengulukila kuli Njambi, Ishamatanga wavo uje muka-kuvana cinyangavili mu simbu yavo ya vukalu.

Myaso 10:11

Muka-vuvi endeka mu mbunge yendi ngwendi, “Njambi nevala, nakenge kweka, co kasa kunjimona!”

Myaso 10:4

Muka-vuvi kombuko mbunge kuli Shukulu Kalunga, mu kulyalesa kwendi ayongola ngwendi Njambi waiko.

Myaso 95:10

Njaluvalele na cisemwa cije a myaka makumi awana, co njendekele ngwange, ‘Vakevo vanapu vakujeneka kulongwa, valinakuvyana mashiko ange!’

Visimo 1:22

“Visimbu vingaijo eni vilema mukatwalao kulinga vulema? Visimbu vingaijo mukalikela kutomba nakujola mana? Kuma kumulilongesa ndi? Njimyana kunangula kwakuvwa nakumyana mana ange.

Visimo 1:29

Omwo yeni mwazinda mana, co kumwakomokele Shukulu Kalunga.

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Isaya 30:11

Kesi mutuleke vije vyanendeka Njambi. Kutushaka kuziva vya Njambi wakujela wa Isalele.”

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 9:6

Shukulu Kalunga nendeka ngwendi, “Mulinakukala akati ka vaka-makuli, ngeci a makuli avo vananjivyana.”

Hambakuke 1:15

VaMbambilone vakakwata vanu na tulovo ngwe vakwata visi. Vavakokangeya ngwe visi vali mu manimbwa, co valisamba a vije vanakwata!

Luka 8:28

Omo wamwene Yesu, co walilile manene, wawililile ku myanja ya Yesu, co watambekele ngwendi, “Yesu, Muna Njambi wa Akamwa ya Vyoshe! Vika ushaka kulinga nange? Njilinakukulomba ngwange, kesi unjihise embwe!”

Luka 8:37

Asinoni vanu voshe va ku mutambela uje valombele Yesu atunde mu lifuti lyavo, omwo vazivile lyova lyakama. Co Yesu wakovelele mu vwato wavasezele.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 8:7

Omwo cizango ca vusitu cikeco cinena vutozi kuli Njambi, kucasa kwononoka Mashiko a Njambi, co kucitava vene.