Yombi 2:8 - Livulu lya Shukulu Kalunga

⁸ Yombi wakatukile nakutumbama a lishito lya lito, co wanonele citambi nakulipala naco a vimbandu vyendi.

Yombi 2:8 Iomraidhean Croise

2 Samwele 13:19

Walishuwilile lito ku mutwe wendi, co watavwile cikoveyo cendi, walikwatele mbimbi-mutwe oku aya nakulila.

Esita 4:1

Omo Molendekai wazivukile vyoshe vije vyalingiwile, co watavwile vuzalo vwendi wazalele cikeleya nakulishuwila lito ku mutwe, co waile mu nganda nakulila mbimbi-mutwe,

Esita 4:3

Co mu lifuti mwoshe, muje mwoshe muvazivile lishiko lya mwene, mwakele kulila kwakama manene akati ka vaYunda. Valikelele kulya, co valilile manene nakutatoka, co vungi vwavo vazalele vikeleya nakulala mu lito.

Yombi 2:9

Munakazi wendi wendekele kuli ikeye ngwendi, “Anga na ololo ucikakateya ku vushunga vwove ndi? Omwo vika kuushaula Njambi ngeci utse?”

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Myaso 38:5

Vimbandu vyange vyavolo vilinakunika, omwo vulema vwange.

Myaso 38:7

Nyonga yange ishaluka shaluu ngwe tuhya. Njilinakuvinja.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 6:26

Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Ezekiyele 27:30

Voshe valinakulila omwo yove, valishawilile livu a mitwe yavo nakulyalanga mu lito.

Yona 3:6

Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito.

Mateo 11:21

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vazalele vikeleya nakulikwita lito kumwesa ngeci vanatenguluka ku vivi vyavo!