Yombi 2:4 - Livulu lya Shukulu Kalunga

⁴ Co Satana wamukumbulwile ngwendi, “Munu aana vyoshe vije alinavyo ngeci ayoye.

Yombi 2:4 Iomraidhean Croise

Kushangumuka 47:17

Ngecivene, vanenele vimuna vavo kuli Yosefa, walandakanene vyakulya na tuvalu twavo, na vimanga, na vimembe, na vingombe, na vimulu. Co a mwaka uje wavanene vyakulya vyakulandakana na vimuna vavo voshe.

Kushangumuka 47:19

Kesi tulanduke ku njala, tulande yetu na mahya etu na vyakulya. Tulande na livu lyetu mukulandakana na vyakulya. Co tukapwa vindungo va mwene, ikeye akafuka livu lyetu. Twane tiliku ituyoyese na mbuto tukuve mu mahya etu.”

1 Vimyene 20:31

Vamyata vendi vaile kuli ikeye nakumuleka ngwavo, “Twazivi ngeci vimyene va Isalele vaka-ngozi. Twane lisesa tuye kuli mwene wa vaIsalele nakuzala vikeleya vyakuzengeleka mu vimbunda vyetu na mikole yakuzengeleka mikoshi yetu, amo akamena mwonyo wove.”

Yombi 2:3

Co Shukulu Kalunga wehwile Satana ngwendi, “Unamono ngamba yange Yombi ndi? Kukwesi umo ano a kaye muka-vushunga na kulongwa, nakukomoka Njambi nakulitenga ku vuvi ngwe Yombi. Wanjishongangeyeye ngeci njikutave umulwise kwa mulonga, oloni Yombi angavene nanjikulaela simbu yoshe.”

Yombi 2:5

Oloni ololo aceseke kukwata ku muvila wendi, co akakushaula citona-mesho!”

Visimo 13:8

Muka-kufuka akapangesa vimbongo vyendi mukwamena mwonyo wendi, oloni naumo wai akashungwiya muka-kuutwa.

Njelemiya 41:8

Oloni muje mu munga mwakele vanalume likumi vendekele kuli Ishimela ngwavo, “Mwane kesi ututsiye! Tuli na tiliku, na mbale ya maumwa, na mazi a olive, na vuki twavishweke mu shwata.” Ngecivene, wavasezeleo.

Mateo 16:26

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi.

Mateo 6:25

“Ngecivene, njimileka ngwange, kesi mulishoshomwene akuyoya kweni, ngweni tukalya vika, nambe ngweni tukanwa vika, nambe vya mivila yeni ngweni, tukazala vika. Omwo myonyo yeni ili na seo kutuvakana vyakulya. Co mivila yeni lalo ili na seo kutuvakana vyakuzala.

Luka 12:23

Omwo myonyo yeni ili na seo kutuvakana vyakulya, co mivila yeni lalo ili na seo kutuvakana vyakuzala.

Yoshwa 9:24

Co vamukumbulwile ngwavo, “Mukemwo mutunalingi shukulu omwo vatulekele mwa vushunga vene Shukulu Kalunga Njambi yeni washikile ngamba yendi Mosesa kumyana lifuti lyoshe eli nakutsiya nakunyongesa vanu voshe valimo ngwe omo mulinakuya kulutwe. Twalingile eci omwo twakele na lyova manene ali yeni, co twakele lalo na lyova lya myonyo yetu.