Yombi 19:3 - Livulu lya Shukulu Kalunga

³ Co a simbu na simbu mulinakunjituka, co kumwesi na shwamwa mu ngila eyi mulinakunjiyandeselamo.

Yombi 19:3 Iomraidhean Croise

Kushangumuka 31:7

Co ishweni wanjikwisile nakutengulula fweto yange visimbu likumi, oloni Njambi kamutavesele ngeci anjivulumune.

Kushangumuka 42:7

Omo Yosefa wamwene vandolome vendi, wavazivukile, oloni walingile ngwe kavazivuka, wavehwile na vukalu ngwendi, “Yeni mutunda kulijo?” Co vamukumbulwile ngwavo, “Tulinakutunda ku Kanana tunaija nakulanda vyakulya.”

Nehemiya 4:12

Oloni a simbu na simbu vaYunda vaje vakele mukati ka vitozi vetu, vakele nakwija nakutunangula a matumbe avo akutulwisa.

Yombi 11:14

Tundisa vuvi na kupenga-penga ku njuvo yove.

Yombi 11:3

Yombi, kuma yove wayongola ngeci kesi tukukumbulule ndi? Kuma kujokota kwove kwasa kwolwesa vanu ndi? Omo ushendumuna vanu kuma kuvakuzivisa shwamwa?

Yombi 19:17

Co munakazi wange kashaka kuziva muku wange wakunika, na vandolome vange shavo kushwenya kuyehi nange.

Yombi 19:2

“Visimbu vingai mukayandesa mwonyo wange nakunjipunzozola na majwi?

Yombi 19:4

Nameme nga njinazimbala, casa kumivavalesa ku mbunge vatijo?

Yombi 20:3

Evi viwunendeka vinapu vyakushaula, oloni njazivuka mwakukukumbulwila.

Myaso 69:8

Yange njinapu ngwe nji mungenzi kuli vandolome vange, njinapu ngwe nji muka-kwija ku naanga yange.

Ndanyele 1:20

Co mu vyuma vyoshe vya mana na vyakuzivisisa vije vyavehwile mwene, wavawanene ngeci vaje vakwenje vawana vakele na mana manene visimbu likumi kutuvakana vaka-kutaa nambe vaka-manseno va mu lifuti lyendi lyoshe.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

Kulava 14:22

naumo wai wa ali vanu ava akamona lifuti lije. Vakevo vamwene ceke ca vumpau vwa ku mesho ange na vikomokeso vije njalingile mu Ingito na mu mambo, oloni vanjesekele visimbu likumi, co vavyanene kunjononoka.