Yombi 19:13 - Livulu lya Shukulu Kalunga

¹³ “Njambi nanjishondolwesa ku naanga yange, njinapu ngwe nji mungenzi oni kuli vaje vanjizivukile,

Yombi 19:13 Iomraidhean Croise

Yombi 16:20

Vasamba vange vanjishendumuna, co mesho ange alinakulila misozi kuli Njambi.

Yombi 16:7

Njambi, yove unanjizeyesa laja, unecelela naanga yange vavatsiye.

Yombi 42:11

Co vandolome va Yombi voshe, na vandokazi vendi, na vasamba vendi vaje vakele navo laja vezile kuli ikeye, co valingile ciwano amo nendi mu njuvo yendi. Co vamwesele vusiwa vwavo ali ikeye nakumuzembeleka a tuyando twoshe tuje twanenele Shukulu Kalunga ali ikeye. Co munu na munu wamwanene vimbongo na kanzeya ka ngolinde.

Yombi 6:15

Oloni yeni vasamba vange munanjikwisa, ngwe vana va vindonga vaje vakuma a simbu ya lilanga.

Yombi 6:20

oloni cinyangavili cavo cahwile omo kuvawanene mema.

Myaso 31:11

Vitozi vange voshe vunene vene vandambo vaje vanjinalyata navo, na voshe vaje vanjizivuka valinakunjitewa, omo vanjiwana mu ngila, co vatewa.

Myaso 31:12

Voshe vananjivala, ngwe munu uje watsa laja, yange njinalifu ngwe citambi ca ndeo civanombila kuti.

Myaso 38:11

Vasamba vange na vandambo vange kuvesi nakunjishwenya muyehi, omwo vimbandu vyange, nameme vene naanga yange kuvesi nakunjishwenya muyehi.

Myaso 38:12

Vaje vashaka kunjitsiya vananjitela myeto kulutwe lwange, vaje vashaka kunjivulumuna vashungwiya kunjinyongesa, co litangwa lyoshe vatumba vutumbe vwakunjilwisa.

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Myaso 69:20

Kapopolwezi kavo kanazeyesa mbunge yange, co nomu munjilingila vene mwai, njashakezekele munu wakunjitetela, oloni kunjamuwanene, na vaka-kunjizembeleka, oloni naumo wai injawanene.

Myaso 69:8

Yange njinapu ngwe nji mungenzi kuli vandolome vange, njinapu ngwe nji muka-kwija ku naanga yange.

Myaso 69:9

Cizemo cange ku Njuvo yove, yove Njambi, cilinakushukuma muli yange ngwe tuhya, co kushaula kuje vakushawile kuli ali yange.

Myaso 88:18

Unanjishondolwesa kuli vasamba vange va a mbunge, co lisusulungu likelyo linapu musamba wange lika.

Myaso 88:8

Unanjitundisa ku vasamba vange, co unanjipwisa nji wa vunyengwe kuli vakevo, njinapu nji cinzinda, co kunjasa lalo kuputumuka,

Mbimbi 1:19

“Njasanene vasamba vange, oloni vavyanene kunjikwasa. Vaka-kukombelela amo na vantwama vatsililile mu vitapalo vya mu nganda, mukushakezeka vyakulya ngeci vivayoyese.

Mbimbi 1:2

Vutsiki vwoshe alinakulila, co misozi yendi ilinakwolomokela ku vinana vyendi. Vasamba vendi voshe vaje vakele navo, naumo wai aliko ngeci amuzembeleke. Vasamba vendi voshe vanamwende vungungu, ololo voshe vanamutengulukila nakumulwisa.

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

2 Timateo 4:16

Akulivanga naumo wai wanjikundamene akulyamena kwange, voshe vanjitewele. Oloni Njambi kesi avalaveleco ngwe vuvi embwe!