Yombi 15:5 - Livulu lya Shukulu Kalunga

⁵ Vuvi vwove vulinakwimanena vije viwendeka, yove ushaka kuvanda mu majwi a vaka-linyanyamena.

Yombi 15:5 Iomraidhean Croise

Yombi 11:6

Nga nakuleka omwo kuyili mitambela ya vaka-mana, co kuvili vyuma vyakulova manene kuli munu vije kasa kuzivuka. Njambi alinakukuhisa kamandondo lika kutuvakana milonga yove.

Yombi 12:6

Oloni vezi na vaka-vuvi valinakuyoya mu kwoloka, nameme nzili yavo vavenya, ikeyo vapwisa njambi yavo.

Yombi 15:4

Nga unakele mu ngila yove, nga naumo wai nesi kutewa Njambi, co naumo wai nesi kulombela kuli Njambi.

Yombi 22:5

Embwe, oloni omwo unalingi vuvi vwakama manene, omwo a vyuma vyoshe vyavivi vije viwunalingi.

Yombi 32:1

Ngecivene, vanalume vaje vatatu vonwele kukumbulula Yombi, omwo walimwene ikeye vavenya kupwa wakushungama.

Yombi 32:2

Co Elihu muna Mbalakele mutekulwila wa Mbuze, wa ku cikota ca Lama, waluvalele manene omwo Yombi walisambesele ikeye vavenya kuli Njambi.

Yombi 5:12

Ikeye muka-kutanganesa matumbe a vaka-kunyanyama, ngeci kukwesi cuma civalinga civezike.

Yombi 5:13

Vaka-kunyanyama vatsa mu myeto na kutsa mu matumbe avo vavenya,

Myaso 64:3

Vindaka vyavo vinapu ngwe vimoko vya mbeli, majwi avo amavi anapu ngwe mikili ya vushungu.

Njelemiya 9:8

Majwi avo anafu ngwe mikili yakutsiisa, visimbu vyoshe vendeka makuli. Munu na munu endeka majwi amavwa, kuli mundambo wendi, oloni mu mbunge namulalela vushonge.

Luka 6:45

Munu wamuvwa ikeye muka-kusholola vyuma vyavivwa ku vufuko vwendi vwavuvwa vwa mu mbunge, munu wamuvi akasholola vyuma vyavivi ku vufuko vwendi vwavuvi vwa mu mbunge. Omwo kanwa kakendeka vije vyashula mu mbunge.

Yakomba 1:26

Nga munu umo ayongola ngwendi ikeye muka-kulemesa, co kononwesa ndaka yendi, kulemesa kwendi kunapu kwangoco, co alinakulikwisa ikeye vavenya.