Yombi 14:2 - Livulu lya Shukulu Kalunga

² Tulinakukola nakujujwama vwasi ngwe vishani, co tuzimuka ngwe munzinze.

Yombi 14:2 Iomraidhean Croise

1 Mizimbu 29:15

Yove wazivuka, Shukulu Kalunga, mukuyoya kwetu yetu tunapu ngwe vindungo na vangenzi, ngwe muvapwile vakukulwila vetu. Matangwa etu anapu ngwe kwita kwa munzinze, co kutwasa kuputumuka ku kutsa.

Yombi 15:33

Ikeye akapwa ngwe mukolovozi wa vushuka vwa vinyu, uje ulundumuna vushuka vwawo omwo vunekwiya, ngwe muti wa olive uje utotomoka vishani vyawo.

Yombi 4:20

Munu asa kuyoya ku mutondo, oloni atsa cintulu omo litangwa kanda litoke.

Yombi 8:9

Myonyo yetu yapwa ya kasimbu lika, nacimo cai cituzivuka, tulinakwita ngwe minzinze.

Myaso 102:11

Matangwa ange anafu ngwe munzinze wa cingwezi, njinapu ngwe mwila wakuma.

Myaso 102:12

Oloni yove Shukulu Kalunga wapwa u mwene ku myaka yoshe, visemwa vyoshe vakakwanuka.

Myaso 102:5

Njinayondwa manene omwo kukemanga kwange.

Myaso 144:4

Munu napu ngwe muku, na matangwa endi akuyoya anapu ngwe munzinze uje ulinakwita.

Myaso 37:2

Vakevo vakahwa ngwe mwila wakuma, vakajujwama ngwe maputa akutonola.

Myaso 39:5

Mwonyo wange unawuseteka na vikajo? Ku mesho ove simbu yakuyoya kwange inapu yangoco. Mwa vushunga vene mwonyo wa munu woshe wakuyoya ano asi unapu ngwe lihunzi,

Myaso 39:7

Ngecivene, Shukulu Kalunga vikajo vinjikengelela? Njaka cinyangavili cange muli yove.

Myaso 92:12

Vaka-vushunga vakavezika ngwe miti ya mashakavale, co vakola ngwe miti ya kendale ya ku Lembanone.

Myaso 92:7

nameme vaka-vuvi vakola ngwe mwila, na voshe vaka-kulinga vyavivi vakala na vufuko vwavungi, vakavanyongesa ku myaka yoshe,

Muka-kwambulula 8:13

oloni vyuma kuvikapu vyavivwa kuli vaka-vuvi. Myonyo yavo inapu ngwe munzinze, co vakatsa omo vacili vavandondo omwo kuvesi kukomoka Njambi.”

Yakomba 4:14

Yeni kumwazivukile ngweni mwonyo weni ukafwa vati ku litangwa lya imene! Omwo yeni munapu ngwe mbundu, ije isholoka kasimbu kakandondo lika, co inyonga.

1 Petulu 1:24

Ngwe muvyendeka visoneka ngwavyo, “Vanu voshe vanapu ngwe mwila, co vumpau vwavo vwoshe vunapu ngwe vishani. Mwila ujujwama na vishani vitotomoka,