Yombi 12:23 - Livulu lya Shukulu Kalunga

²³ Ikeye akolesa miyati ya vanu, co avanyongesa, aamesa miyati ya vanu, co avatwala ku vunzinda.

Yombi 12:23 Iomraidhean Croise

Myaso 107:38

Shukulu Kalunga wavezikisile vanu vendi, co vakele na vana vavangi, katavele ngeci matanga a vingombe vyavo atepuluke.

Myaso 107:39

Omo vitozi va vanu va Njambi vavafungulwile, co vavayandesele.

Kutuuka 1:20

Ngecivene, Njambi walingile mwamuvwa kuli vaje vifungwizi vavali, vaIsalele vakele nakukita nakutuma manene.

Kutuuka 1:7

oloni vatekulwila vavo, vaIsalele, vakitile nakutuma manene, co vapwile vaka-nzili, ngecivene, vatumine mu lifuti lya Ingito mwoshe.

Isaya 26:15

Shukulu Kalunga, yove unaamesa muyati wetu, unaamesa vinginga vyoshe vya lifuti lyetu, co eci cinanena ngeci tukusingimike.

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 51:2

Yongoleni kukulwila yeni Avilahama, na Sala, kuje kwatunda naanga yeni. Omo njasanene Avilahama, kakele na vana vai, oloni njamuvezikisile nakumwana vana, njatumisile manene vatekulwila vendi.

Isaya 60:22

Nameme naanga yove yaindondo na kulikeesa, oloni vakapwa muyati wakama wa nzili. Omo simbu ikaija, yange Kalunga njikalinga vyuma evi vwasi-vwasi!”

Isaya 9:3

Yove Shukulu Kalunga unatumisa muyati wavo, vanavwaelela ku mesho ove ngwe muvakavwaelela vaka-kupanga omo vateja vimbuto, nambe ngwe muvakavwaelela mashwalale omo valipangela vufuko vwakupukula.

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Njelemiya 33:22

Njikatumisa manene vatekulwila va ngamba yange Ndaviti nakutumisa vaka-kukombelela va ku muyati wa Levi, ngeci naumo asa kuvalava wai, vakapwa ngwe vingongonosi vya mwilu, nambe ngwe lishen̄avu lya ku cikuma ca mema a kalunga.”

Zakaliya 10:8

“Njikasana vanu vange nakuvakungulwila amolika. Njikavapatula, co njikavapwisa vavangi ngwe muvapwile laja.

Vilinga vya Miluwa 17:26

Co watangele miyati yoshe kutunda kuli munalume umo ngeci vakale asi oshe. Ikeye vavenya wavwaeselele cimweja visimbu na vinginga vya mitambela kuje vayoyela.