Yombi 12:15 - Livulu lya Shukulu Kalunga

¹⁵ Omo Njambi avindika nyonzi kunyoka, co lilanga liija, omo anyokesa nyonzi, co livazi linyongesa kaye.

Yombi 12:15 Iomraidhean Croise

Kushangumuka 6:13

Co Njambi wendekele kuli Nowa ngwendi, “Njayongola kuzilula vanu voshe. Njikavanyongesa voshe amolika na kaye, omwo kaye kanashulu na vilinga vyavo vyavivi.

Kushangumuka 6:17

Kenga, njikatuma livazi lyakama ano asi mukunyongesa vyoshe vije viyoyao. Vyuma vyoshe vili ano asi vikatsa,

Kushangumuka 7:11

Nowa wakele na myaka 600, co a litangwa lyamulikumi na atanu na avali ku ngonde yamucivali, masima a tuvwelu-vwelu twakama twa mu mema a kalunga kwisi ya livu atuvikile na vimbengwa vyoshe vya mwilu vyashokolokele,

Kushangumuka 8:1

Oloni Njambi wanukile Nowa na tusitu voshe na vimuna voshe vaje vakele amo nendi mu vwato, co Njambi wauwisile lihunzi asi, mema ashangumukile kuuvuluka.

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 17:7

Co mu kasimbu kakandondo, muna ndonga uje womine cau, omwo kujeneka nyonzi.

Yombi 12:10

Njambi lika ikeye atwamenena myonyo ya vitanga vyendi, mwonyo woshe wa munu wakala mu livoko lyendi.

Yombi 28:25

Omo Njambi waanene lihunzi nzili yalyo, co lalo wesekele vulemu vwa mema a kalunga.

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Amose 5:8

Shukulu Kalunga ikeye watangele vingongonosi, Lishano Mutumbu na Muta-mbambi. Ikeye akatengulula vutsiki kuvupwisa mutanya, co mutanya aupwisa vutsiki. Ikeye akasana mena mu mema a kalunga nakuwanyokesela ano asi. Lizina lyendi ikeye Shukulu Kalunga.

Nahumi 1:4

Ashika mema a kalunga, co auma cau! Alingisa vindonga ngeci viwume cau. Na vulilo vwa Mbashane vuuma cau, Munkinda wa Kalemele uvenguluka, na vishani vya Munkinda wa Lembanone vijujwama.

Luka 4:25

“Njitolilileni, mwa vushunga njimileka ngwange, mu Isalele mwakele vifwile vavangi a matangwa a Elinja, omo nyonzi kuyanyokele myaka itatu na vingonde vitanu na imo, co kwakele njala ya lyangengela mu lifuti lyoshe.

Kwituluka mu Mashiko 11:17

Nga mukalingamo, co mukashambeya vukalu vwa Shukulu Kalunga. Co akashoka melu, nyonzi kuyikanyoko, livu likominina ngo, na vimbuto kuvikasa kumena. Co vwasi-vwasi mukanyonga, nameme likelyo linapu lifuti lyalivwa lije lyanamyana Shukulu Kalunga.

Kujombolola 11:6

Vali na moko yakuvindika mashelwa ngeci nyonzi kesi inyoke simbu vacili nakwambulula lijwi lya Njambi. Vali lalo na moko a mema a tuvwelu-vwelu, kuwatengulula ngeci apwe maninga, vali lalo na moko yakuviisa kaye na miyati yoshe ya tuyando mwoshe-imwoshe muje muvashaka kulinga.