Yombi 11:8 - Livulu lya Shukulu Kalunga

⁸ Livu kulyesi naa alyahwila kuli Njambi, oloni lyalova kutuvakana mana ove. Njambi azivuka lifuti lya vatsi, oloni yove kuulizivuka.

Yombi 11:8 Iomraidhean Croise

2 Mizimbu 6:18

“Oloni yove Njambi kumani wasa kukala asi akati ka vanalume na vanakazi ndi? Inonwa mwilu ya melu mwoshe kuwasa kufwamo, co vatijo Njuvo eyi njinakutungila ufwamo ndi?

Yombi 11:9

Njambi wapwa wakama kutuvakana kaye, co wajanjavala kutuvakana mema a kalunga.

Yombi 22:12

Kuma Njambi kakele mwilu ya melu akuhyana, nakukenga asi a vingongonosi, nameme vili akamwa manene ndi?

Yombi 26:6

Vukalo vwa vatsi vuli mushelengwa ku mesho a Njambi, co kuvesi na vintelo vyakuvazikinina ku mesho endi.

Yombi 35:5

“Kenga mwilu! Mona kutundwa kwa mashelwa kutuvakana yove!

Yombi 37:23

Nzili ya Njambi inapu yakama ngeci kutwasa kushwenya kuli ikeye, napu wa kulongwa na vushunga mukupanga kwendi na vanu.

Yombi 38:17

Vakusholwela laja vikolo vyakukovelela mu lifuti lya vatsi, nambe wamona laja vikolo vya ku njuvo ya lisusulungu lyakuzivala vwii ndi?

Yombi 7:9

Ngwe lishelwa lilinakutsitsivala, co lizimangana, mukemwo mwanafu munu uje ali mu vukalo vwa vatsi, kakatundumo embwe.

Myaso 103:11

Ngwe omo muwapwa melu aje akala kulyala na asi, mukemwo mucafwa cizemo cendi cije kucesi kutenguluka kuli vaje vamukomoka.

Myaso 148:13

Vyuma vyoshe vyakutanga vishangazale lizina lya Shukulu Kalunga! Omwo lizina lyendi lyapwa lyakama kuhyana mazina oshe, vumpau vwendi vwapwa vwakama kuhyana lilu na asi!

Myaso 36:6

Vushunga vwove vunapu ngwe minkinda yakama, kusompa kwove kwalova manene ngwe mema a kalunga. Yove Shukulu Kalunga wanyunga vanu na tusitu.

Visimo 30:4

Iyajo wazivuka mana a mwilu? Iyajo wakwatele lihunzi mu livoko lyendi? Nambe kuzengela mema mu vuzalo vwendi? Nambe kutwa vinginga vya kaye? Nga kwali munu wangacije njilekeni lizina lyendi. Njilekeni lalo na lizina lya munendi.

Isaya 55:9

Ngwe melu muwakala akamwa ya asi, ngecivene, vingila vyange, na viyongola vyange vili akamwa ya vingila na viyongola vyeni.

Amose 9:2

Nameme nga vakainda vingila vyavo kwisi ya livu mu vukalo vwa vatsi, anga njikavawana. Nameme nga vakalonda mwilu, anga njikavashulwisamo nakuvanena ano asi.