Yombi 11:7 - Livulu lya Shukulu Kalunga

⁷ “Yove wasa kuwana vyuma vyakulova vya Njambi ndi? Wasa kuwana aje ahwila vukama vwa Njambi Muka-nzili yoshe ndi?

Yombi 11:7 Iomraidhean Croise

Yombi 22:12

Kuma Njambi kakele mwilu ya melu akuhyana, nakukenga asi a vingongonosi, nameme vili akamwa manene ndi?

Yombi 26:14

Oloni evi vinapu lika viyongola vya nzili yendi, twavizivile lika na lijwi lyakuyeveta. Iyajo asa kuzivuka mu vushunga muvwapwa vukama vwa Njambi?”

Yombi 27:11

“Njimilongese vukama vwa nzili ya Njambi muje muvwafwa, nakulumbununa vati Njambi Muka-nzili yoshe mwayongwela vutumbe vwendi.

Yombi 33:12

“Oloni Yombi njikuleka ngwange unapengesa omwo Njambi wapwa wakama kuhyana munu.

Yombi 33:13

Omwo vikajo wana mulonga Njambi, akujeneka kukumbulula kukulinyenyeta kwa munu?

Yombi 35:5

“Kenga mwilu! Mona kutundwa kwa mashelwa kutuvakana yove!

Yombi 36:26

Kutwasa kuzivuka vukama vwendi, nambe kulava vungi vwa myaka yendi.

Yombi 37:23

Nzili ya Njambi inapu yakama ngeci kutwasa kushwenya kuli ikeye, napu wa kulongwa na vushunga mukupanga kwendi na vanu.

Yombi 37:5

Akushika kwa Njambi vyuma vyakukomokesa vilingiwa, ikeye alinga vyuma vyakukomokesa vije yetu kutwasa kuvilinga.

Yombi 42:3

Wanjihwile ngwove vatijo njasa kwihula mana ove, omwo yange kunjizivuka cuma nacimo cai. Njinendeka vije kunjazivukile, vyuma vyakukomokesa manene, vije kunjazivukile.

Yombi 5:9

Ikeye lika asa kulinga vyuma vyakama vije kutwasa kuzivuka na vyuma vyakukomokesa vije kutwasa kuvizivisisa.

Myaso 139:6

Mana ove ali yange anapu akulova, kunjasa kuwazivisisa.

Myaso 145:3

Shukulu Kalunga wapwa wakama, co vanapande kumushangazala manene, naumo wai asa kuzivuka vukama vwendi.

Myaso 77:19

Wendele a mankimba, wajavukile mema a kalunga, oloni myanja yove kuyasholokele.

Visimo 30:4

Iyajo wazivuka mana a mwilu? Iyajo wakwatele lihunzi mu livoko lyendi? Nambe kuzengela mema mu vuzalo vwendi? Nambe kutwa vinginga vya kaye? Nga kwali munu wangacije njilekeni lizina lyendi. Njilekeni lalo na lizina lya munendi.

Muka-kwambulula 3:11

Njambi naaka simbu yaivwa ya vyuma vyoshe. Co lalo nalingisa vanu kuyongola vyuma vya kulutwe, oloni nameme ngoco, munu kasa kuzivuka vije vyanapanga Njambi kutunda akulivanga kweta na ku mamaneselelo.

Muka-kwambulula 7:24

Vatijo munu asa kuwana muwanungulukila mwonyo? Capwa cacikalu manene kucizivisisa.

Isaya 40:28

Kuma kumuzivuka ndi? Kuma kuvamilekele ndi? Shukulu Kalunga ikeye Njambi wa ku myaka yoshe, ikeye watangele kaye koshe. Kesi kujuka nambe kuzeya. Naumo wai asa kuzivisisa viyongola vyendi.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Loma 11:33

Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?

1 Kolinte 2:10

Oloni Njambi natusholwela vyakushwekesa ali Munzinzime wendi. Munzinzime akashakezeka vyuma vyoshe, nameme vizango vya Njambi vyakulova.

1 Kolinte 2:16

Ngwe muvyendeka visoneka ngwavyo, “Iyajo azivuka viyongola vya Shukulu Kalunga? Iyajo asa kumunangula?” Yetu nameme ngoco, tuli na viyongola vya Kilistu.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,