Yombi 11:19 - Livulu lya Shukulu Kalunga

¹⁹ Kuukatewe vitozi vove embwe, vanu vavangi vakakulomba ngeci uvakwase.

Yombi 11:19 Iomraidhean Croise

2 Mizimbu 20:30

ngecivene, Njosefati washwanene mu kwoloka, omwo Njambi yendi wamwanene kuhwima ku mitambela yoshe ije yamuzengelekele.

Yombi 11:18

Co ukayoya mwamuvwa nakushula na cinyangavili, Njambi akakunyunga, nakukwana kuhwima.

Myaso 127:2

Cinapu cangoco kwinduka mutondo-tondo, nakukotoka cingwezi mukupangela vyakulya, omwo Shukulu Kalunga akana vyakulya kuli voshe vaje vaazema nameme omo vanacilala.

Myaso 4:8

Omo njilala, co njiya mu tulo ngwe muje mwalalele mbuli mutenga, yove lika Shukulu Kalunga, u muka-kunjinyunga mwamuvwa.

Myaso 45:12

Vanu va ku lifuti lya Tile vakakunenela vwana, co vanu vaka-kufuka vakakushangazala.

Visimo 19:6

Vanu vavangi vakashaka kupwa vasamba va vanu vaje vasa kuvakwasa.

Visimo 3:24

Kuukazivi lyova omo uya a vulili nakulala, ukalala mwamuvwa vutsiki vwoshe.

Isaya 17:2

Vinganda vya Silya vikapwa vingundu vya myaka yoshe. Vikapwa vulilo vwa vimanga na vingombe, co naumo wai akavashekamo.

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Ezekiyele 34:28

Miyati ya vaka-kujeneka kukulaela kuvakavevila, co vikashama va mu shwata kuvakavatsii nakuvalya. Vakakala mu kwoloka, co naumo wai akavazivisa lalo lyova.

VaLevi 26:6

“Mukakala mu kwoloka kuluu mu lifuti lyeni, co kumukazivi lyova. Njikatundisa vushonde vwa tusitu vavavi mu lifuti lyeni, kumukakala lalo nzita muje.

Mika 4:4

Vakakala mu kwoloka akati ka mikolovozi ya vushuka vwa vinyu yavo na miti ya mikuyu yavo, co naumo wai akavazivisa lyova. Shukulu Kalunga muka-nzili yoshe nakulaesa eci.

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.