Yombi 10:9 - Livulu lya Shukulu Kalunga

⁹ Anuka ngeci wanjimungile ngwe vuma, co ushaka kunjitsena nakunjiilwisila lalo ku livu ndi?

Yombi 10:9 Iomraidhean Croise

Kushangumuka 2:7

Asinoni Shukulu Kalunga Njambi watapwile livu asi, co likelyo wamungile munu, wahwimininine muku wa mwonyo mu majulu endi, co munu wakele na mwonyo.

Kushangumuka 3:19

Ukapanga nakuundangana manene nakutukuta akupanga mu livu, ngeci likamenese vyakulya, noo ukeluka ku livu kuje kuwatundile. Omwo yove watundile ku livu, co ukeluka lalo ku livu.”

Yombi 10:10

Yove waanene tate nzili yakunjikita, co wanjikolesele mwimo lya vanana.

Yombi 17:14

Co njikatumbula mbumbo ngwange tate, na mainyo vaje vakanjilya, njikavatumbula vanana na vandokazi vange.

Yombi 33:6

Kenga, nove nange tunapu mumolika ku mesho a Njambi, tuvavoshe vatumungile ku livu.

Yombi 34:15

vanu voshe vakuyoya nga vanatsi, nakwimuka lalo livu.

Yombi 4:19

Kuma yove uyongola ngwove ikeye akulaela citanga ca ku vuma, citanga cakutunda ku likungu cije vasa kutsena ngwe menzi?

Yombi 7:21

Omo vikajo kuwesi kunjisambesela ku vivulumuna vyange? Kuma kuwasa kunjecela ku kupenga-penga kwange oku njilinakulinga? Njikalala mu mbumbo, co mukanjishakezeka, oloni kumukanjiwana.”

Yombi 7:7

“Anuka, Shukulu Njambi, mwonyo wange wapwa muku, mesho ange kuwakamono lalo vyavivwa.

Myaso 103:14

Omwo ikeye azivuka muje mwatutangele, azivuka ngeci yetu twapwa likungu.

Myaso 104:29

Omo uvajenjuka, co vaziva lyova, omo utundisa mwonyo wove muli vakevo, co vatsa, nakwilukila lalo ku livu kuje kuvatundile.

Myaso 106:4

Yove Shukulu Kalunga njanuke, omo umwesa ngozi kuli vanu vove, nange lalo njanuke omo wamena vanu vove.

Myaso 22:15

Mulivu wange unominina cau, co ndaka yange inasata mu ndakwilo. Yove unanjiseza mu livu ngeci njitsilemo.

Myaso 25:18

Yongola tuyando twange na n̄avava yange, co njisambese ku vuvi vwange vwoshe.

Myaso 78:39

Wanukile ngeci vapwile vanu lika, vapwile lika ngwe lihunzi lije lilinakuhuwa, co liya.

Myaso 89:47

Yove Shukulu Kalunga, anuka ngeci simbu yakuyoya kwange inapu yaindondo, omwo vikajo watangelele vanu voshe?

Myaso 90:3

Yove wilwisila vanu ku livu, co uvelwisila ku livu kuje kuvatundile.

Muka-kwambulula 12:7

Mivila yetu ikeluka ku livu, oloni mwonyo ukeluka kuli Njambi uje watwanenewo.

Isaya 45:9

Ngongo ya munu uje alwa na Ishamatanga yendi, munu napu citambi ca ku vitambi vyoshe vya ano asi! Kuma vuma vwasa kwihula muka-kushonga ngwavwo vika ushonga? Nambe kwendeka ngwavwo, eci ulinakushonga kucesi na mavoko?

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Isaya 64:8

Oloni yove Shukulu Kalunga wapwa u tatetu. Yetu tunapu ngwe vuma, co yove unapu ngwe muka-kushonga. Yove watutangele,

Njelemiya 18:6

“Kuma kunjasa kulinga kuli vanu va mu Isalele vije vyanalingi muka-kushonga vindeo ndi? Yeni muli mu mavoko ange, ngwe vuma vuli mu mavoko a muka-kushonga.

Loma 9:21

Uje muka-kushonga vindeo ali na moko yakupangesa vuje vuma mwoshe mwashakela, asa kushonga vindeo vivali a cipama cimolika ca vuma, ndeo imo yakupangesa vyuma vya seo, co ndeo ikwavo yakupangesa vyuma vyangoco.

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.