Yombi 10:8 - Livulu lya Shukulu Kalunga

⁸ Mavoko ove anjimungile nakunjipanga, co ololo mavoko aje vene alinakunjinyongesa.

Yombi 10:8 Iomraidhean Croise

Yombi 10:3

Kuma mwamuvwa kuli yove kuyandesa nakuyeluwisa vije watangele yove vavenya ndi? Nakujolela viyongola vya vanu vaka-vuvi?

Yombi 13:19

“Njambi, unjana mulonga ndi? Nga ngoconi, co njikoloka na kutsa.

Yombi 30:23

Njazivuka ngwange ulinakunjitwala ku kutsa, ku njuvo ije ivavwaesela vaka-kuyoya voshe.

Yombi 9:17

Ikeye anjinakula na lihunzi lyakama nakunjitsena, nakutumisa vimbandu vyange kwakujeneka mulonga.

Yombi 9:22

vyoshe vinapu mumolika. Muka-kujeneka mulonga nambe muka-mulonga, Njambi akavanyongesa.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 119:73

Yove wanjitangele, njane mana ngeci njililongese mashiko ove.

Myaso 138:8

Shukulu Kalunga ukashulisa vije vyoshe wanjikulaesele, Shukulu Kalunga, cizemo cove cije kucesi kutenguluka, cakala ku myaka yoshe. Kesi uvyane vipangi vya mavoko ove.

Myaso 139:15

Omo vatangele vitsiya vyange, nakuvyaka amo mwamuvwa mwimo lya vanana, omo njakolele muje mu vushweke, yove wanjimwene.

Myaso 139:16

Yove wanjimwene simbu kanda njisemuke, matangwa oshe akuyoya kwange, vaasonekele mu livulu lyove, omo te kanda vacishangumuke kuwatanga.

Myaso 33:15

Ikeye amanga viyongola vyavo vyoshe, nakuzivuka vyoshe vije vivalinga.

Isaya 43:7

Vakevo vanapu vanu vange, njavatangele ngeci vanene kasingimiko kuli yange.”